Lecturas para o Samaín

Unha selección de libros e películas para estes días terroríficos

Tamén en pdf

Goza da maxia do Samaín coa mellor literatura

Cando empezaba a anoitecer, unha miaxiña inantes de pechar a casa, chegaron dous homes pola calzada. Paráronse diante da porta de chamaron petando coas cachavas na folla aberta. Traguían co iles un burro, i enriba dil un cadaleito ou caixa de morto, atado com cordas.

Á lus do candil. Ánxel Fole

Se abrió camino entre el ramaje hasta que se encontró frente a un alto muro de piedra. Hasta hacía poco, el muro había estado oculto en su mayor parte por altas zarzas y maleza espesa que le impedían acercarse lo suficiente como para ver qué había al otro lado. Por un momento, la curiosidad le hizo olvidarse del hambre y se preguntó qué habría detrás del muro.

Todo quedó en silencio y otros relatos. Nick Shadow

O cadáver, xa moi putrefacto e cheo de vísceras coaguladas, mantívose ergueito ante os ollos dos espectadores. Sobre a cabeza, cunha enorme boca vermella e un solitario ollo de fogo, estaba a horrible besta que astutamente me seducira ó asasinato, e que, coa súa voz delatora, me enviara ó verdugo. ¡Emparedara ó monstruo dentro da tomba!

O gato negro. Edgar Allan Poe

Drácula, o vampiro máis famoso

Outra saga que engancha

Coa saga Cazadores de sombras está a pasar algo moi parecido ao que pasou coa de Crepúsculo: colocadiña no seu andel agardou pacientemente ata que un día una lectora reparou en Ciudad de hueso, o primeiro libro da triloxía, e decidiu levalo en préstamo.

Gustoulle moito e escribiu un artigo neste blogue recomendando a súa lectura. O "boca a boca" comezou a funcionar e o libro pasou de man en man sen apenas descanso.

A aparición de Ciudad de ceniza foi todo un acontecemento entre @s seguidor@s da saga. O libro desapareceu a fume de carozo do moble de novidades para seguir o mesmo camiño que o seu antecesor.

Agora sae o terceiro, Ciudad de cristal, e xa ten lista de espera aberta para lelo. Verónica, a primeira en anotarse, xa poderá recollelo o luns.

Cine non apto para cardíac@s

Nosferatu

Jonathan Harker é un avogado enviado ao castelo do Conde Drácula para pechar a compra dunha casa en Wismar. Pero o Conde é unha ánima en pena que vive do sangue humano e que, namorado dunha fotografía da esposa de Jonathan, viaxa a Wismar, levando consigo morte e destrución.

Déjame entrar

Oskar é un rapaz de 12 anos que sofre continuamente o acoso dos seus compañeiros de clase máis fortes. O seu desexo de ter un amigo parece facerse realidade cando coñece a Eli , unha rapaza da súa mesma idade que acaba de mudarse á casa do lado. Pero Eli é unha rapaza misteriosa: é moi seria, está moi pálida, só sae polas noites e aparentemente non lle afectan as temperaturas xeadas. Unha serie de desaparicións e asasinatos inexplicables coinciden coa chegadade Eli.

Drácula

Antes de converterse nun vampiro, o conde Drácula era o príncipe Vlad que, ao enterarse da morte da súa amada, vendeulle a súa alma ao demo. Así pasou o tempo ata que catro séculos máis tarde, en Londres, atopa a Mina, a reencarnación do seu antigo amor. Sen dubidalo, articulará un ambicioso plan para ir na súa busca e recuperala.

HellBoy

En 1939, o xoven profesor Broom destruíu unha muller vampiro que se bañaba no sangue de inocentes para permanecer nova. Agora, alguén en Nova York está intentando traela de regreso e o profesor Broom decidiu enviar a HellBoy e outros axentes a investigalo.

Tras os pasos d@ asasin@

A letra con sangue entra

Xa volo advertimos onte: o mellor que podedes facer estes días é non achegarvos á biblioteca!

Pero moit@s de vós, atraídos quizais polo sangue do chan ou polas pegadas do asasino (ou asasina?), non fostes capaces de mantervos na distancia. Os máis atrevid@s ata collestes libros ou películas que había enriba da mesa. Ben, alá vós, estabades avisad@s: agora, non seredes quen de deixar de ler…

Para os máis cautelos@s, deixamos o boletín neste blogue; pero, coidado!, se comenzades algunha das propostas de lectura, pasaravos o mesmo que aos outr@s.

Pero que está a pasar...?