Algunhas das novidades de novembro

Clicando nas imaxes, teredes máis información dos libros.

Bibliotecas escolares galegas

Este vídeo foi rodado en centros do Plan de mellora de bibliotecas escolares de diferentes recunchos de Galicia, e presentouse no Congreso Bibliotecas Escolares en Tránsito, celebrado en Compostela os días 10,11 e 12 de novembro, organizado pola Consellería de Educación en colaboración co Ministerio de Educación.

As imaxes exemplifican a distribución de espazos nas novas bibliotecas, e algunhas das actividades que o alumnado realiza en elas día tras día.

Para que te enteres

Cres que é certo que só usamos o 10% do cerebro?

Ou que un ano dun can equivale a sete dunha persona?

Ou que a Gran Muralla china é o único obxecto feito polo home que se ve desde o espazo?

Pois equivócaste de medio a medio...

Descubre cantas ideas que sempre consideraches verdadeiras non son máis que falsas crenzas, inexactitudes ou lendas urbanas no libro "Increíble pero mentira. La verdad sobre un sinfín de cuentos que siempre diste por ciertos".

Gústame

Esta biblioteca está encantada de estar representada no mural que Sahara Bubisher colgou no seu facebook. A cousa non é para menos xa que o Bubisher, un marabilloso proxecto que achega a lectura aos campamentos saharauís, forma parte das nosas ilusións e por iso o club de lectura As Mariñas Lectoras quixo, hai un tempo, colaborar tamén con el.

Palabras envenenadas

Este es un libro es muy impactante. Yo sentía asco y repugnancia cuando hablaba de los abusos sexuales, del maltrato entre padre e hija.

La verdad es que está muy bien relatado, hace que te metas dentro de la lectura y tú seas la protagonista.

El único fallo que le veo es el final, me gustaría que lo alargaran un poquito más, que fuera un final más bonito.

Unha recomendación de lectura de Leticia Rosende, alumna do Ciclo Medio de Xestión Administrativa.

Magosto-samaín 2011 nas Mariñas

Samaín 2011

View more presentations or Upload your own.

É a mañá do 28 de outubro e nas Mariñas son todo preparativos para os festexos do magosto-samaín:

A entrada está engalanada con cabazas decoradas, libros, teas de araña, paneis de castañas e cabazas...

No campiño, entre as árbores, alumnado de PD3 prepara as brasas nun asador, artellado polo alumnado do ciclo de Automoción. Tamén encetan as castañas para que ao poñelas ao lume non boten a correr. Logo ásanas e ...

Ás 12, todas/todos a comer o doce manxar do magosto. Están sabrosísimas e asadas no punto exacto. Parabéns aos que fixeron tan bo traballo.

Logo imos para o Salón de Actos, que comezan as actuacións:

Video de imaxes e música do IES de Melide.

Entrega dos premios aos mellores artistas decorando cabazas.

Lectura do alumnado de 1º de ESO dos textos de medo que crearon.

E chégalles o turno aos de 2º que corean un "esconxuro do samaín"

E conclúen os de 4º coa lectura dramatizada dun relato de medo, acompañada de imaxes.

Despois de tanta festa, chega a hora de marchar para as casas: a disfrutar da ponte e a pensar xa no samaín 2012.