Historia

Curiosidades, anécdotas, imaxes, guerras, acontecementos, novela histórica, biografías, banda deseñada, cine...

El pentateuco de Isaac

Isaac Jacob Blumenfeld, protagonista e narrador desta novela, cóntanos, seguindo o curso da súa vida, gran parte da historia centroeuropea do século XX. Debido á súa situación xeográfica e ás vicisitudes históricas, o seu pobo natal vai pasando dun estado a outro ata pertencer a cinco diferentes. Relátanos, xa nun plano máis persoal, a súa participación nas dúas guerras mundiais, describíndonos ademais a súa familia e a súa vida no pobo.

É importante o comentario humorístico en todo o libro. O narrador ri de si mesmo e, sobre todo, do pobo xudeu. Isto fai a lectura moi entretida e as pasaxes tráxicas (que non son poucas) máis levadeiras. Porque non só encontramos bromas na novela, tamén conta con moitas reflexións sobre a situación política, a vida social, a condición humana....

Como exemplo:

Al final da igual quién triunfe porque la victoria será como una manta corta: si decides abrigarte los pies, queda al descubierto el pecho. Cuanto más dure la guerra, más corta se hará la manta y la victoria no llegará a calentar a nadie.

El pentateuco de Isaac forma xunto con Lejos de Toledo e Adiós Shangai a triloxía do autor búlgaro Angel Wagenstein sobre o destino dos xudeus europeos no século XX.

¡Indignaos!

¡Indignaos! se dirige a los jóvenes y les anima a decir basta y a luchar contra la dejadez de la sociedad hoy en día. Stéphane Hessel explica que en el mundo actual es más complicado identificar al enemigo (no como en su época, cuando existían Hitler y Stalin), pero sí existe y "hay que aprender a resistir" y a decir "no". El texto sostiene que los jóvenes se están jugando la libertad y los valores principales de la humanidad y lamenta que nadie esté haciendo nada por detener el deterioro de la sociedad. ( El país).

"Chicos, cuidado, hemos luchado por conseguir lo que tenéis, ahora os toca a vosotros defenderlo, mantenerlo y mejorarlo; no permitáis que os lo arrebaten" (José Luís Sampedro).

"Os deseo a todos, a cada uno de vosotros, que tengáis vuestro motivo de indignación. Es un valor precioso. Cuando algo te indigna como a mí me indignó el nazismo, te conviertes en alguien militante, fuerte y comprometido" ( Stéphane Hessel).

De faraóns e momias

Grazas a Patricia, e a súa nai, a Rocío, Verónica, Borja, Andrea e Cristina por facer máis vistosa a exposición de libros sobre Exipto:

A traxedia do caucho

El sueño del celta, último libro de Mario Vargas Llosa, recrea a vida de Roger Casement, diplómatico inglés que tivo a misión de elaborar dous informes para o seu goberno: o primeiro sobre as barbaridades que se estaban a cometer no Congo e, o segundo, sobre as cometidas no Perú. En ambos casos, a obtención do caucho para as grandes compañías era o motivo para a violación dos máis esenciais dereitos humanos.

O auténtico informe de Casement podémolo atopar no libro La tragedia del Congo xunto con outros escritos sobre o tema de G. W. Williams, Conan Doyle ou Mark Twain.

E, se queremos adentrarnos na vergoñenta historia da colonización do Congo ao cargo do rei Leopoldo de Bélxica, que mellor que ler o libro de Adam Hochschild, El fantasma del rey Leopoldo.

Con Sete casas en Francia de Bernardo Atxaga e O corazón do negror de Joseph Conrad, podemos achegarnos tamén a triste realidade deste país africano sometido pola man colonizadora dos belgas.

E pechando o círculo, Alberto Vázquez Figueroa na súa novela Manaos sitúanos nas plantacións do caucho na Amazonia e, baseándose en feitos reais, conta as terribles circunstancias que concurrían nestas explotacións.

Todos eles, na nosa biblioteca.

Neste mesmo blogue, "Estamos no Congo belga"

Exipto

Unha selección de libros e películas que nos achegan a unha das civilizacións máis interesantes da historia:

Ponte a proba!

Queres demostrarlles aos teus amig@s que es un empedernid@ cinéfil@?

Queres deixar coa boca aberta a túa profesora de historia cos teus coñecementos de arte?

Queres impresionar a túa moza, ou o teu mozo, cos teus dotes músicais?

Queres facer unha competición de coñecementos cos teus compañeir@s de clase?

Queres demostrarlles a teu pai e a túa nai todo o que se aprende no IES As Mariñas?

Pois atrévete co Xogo das preguntas e respostas:

Normas do xogo

Xogar

Sabías que...?

As Misións pedagóxicas foron un proxecto educativo moi innovador que levou a cabo a Segunda República (14 de abril de 1931- 1 de abril de 1936) e que achegou a cultura aos lugares máis recónditos da xeografía española.

Mentres estiveron vixentes chegaron a crear máis de 5000 bibliotecas e visitar preto de 7000 lugares.

O seguinte documental fala da súa orixe ( Institución Libre de Ensinanza) e o seu traballo.

A biblioteca de Andrea

Andrea, alumna de 1º de Bacharelato, visita cada día a biblioteca deste instituto. Ás veces ven estudar, outras recoller lecturas para ela ou para a súa nai e, algunhas, facernos simplemente unha visita.

Andrea é toda unha especialista na II Guerra Mundial. Encántalle este tema e cando imos de compras e vemos algún libro sobre este acontecemento, sempre pensamos nela.

Por todo isto é normal que na súa biblioteca aparezan títulos como: Paradero desconocido, Reencuentro, La ladrona de libros, El diario de Ana Frank, Cuando Hitler robó el conejo rosa, Maus, Una vez, Entonces e El niño con el pijama de rayas.

Tamén quixo poñer nos seus andeis películas da mesma temática. Para ela as imprescindibles son: El gran dictador, La vida es bella e El pianista.

Se tamén sodes "adict@s" a este tema, xa sabedes: atoparedes estes libros e películas na biblioteca.

A orde de factores si altera o produto

O venres estréase a película Invictus dirixida por Clint Eastwood e baseada no libro El factor humano de John Carlin.

Hoxe estréase na biblioteca o libro El factor humano que inspirou Invictus, a última película de Clint Eastwood.

Que mellor para coñecer esta historia real, centrada en Nelson Mandela, que ler o libro antes de ver a película?

Para saber máis: Entrevista con John Carlin

Outras películas do mesmo director que tes á túa disposición na biblioteca

Os muros que non caeron

Estes días que se conmemoran os vinte anos da caída do muro de Berlín queremos botar unha ollada a esoutros 14 muros que aínda seguen en pé.

Clicade na imaxe e achegádevos a cada un deles.

Loitando contra a natureza

En agosto de 1914, días antes do estalido da primeira guerra mundial, o famoso explorador Ernest Shackleton e unha tripulación de 27 homes partiron cara ao Atlántico, en busca dun obxectivo nunca antes acadado: realizar a primeira viaxe a pé pola Antártida. Tras cinco meses de travesía, chegaron ao xélido mar de Weddell, onde o seu barco, o Endurance, quedou atrapado no xeo e a tripulación, abandonada á súa sorte. A súa terrible experiencia durou 20 meses, nos que realizaron dous intentos case fatais de escapar antes do rescate final.

Na biblioteca hai un fascinante relato desta expedición, unha das maiores epopeas na loita do home fronte á Natureza. O libro preséntanos, ademais, fotos e ilustracións que recrean a impresionante beleza do océano Austral, a terrible destrución do barco e a heroica loita diaria da tripulación para sobrevivir, un miragre que se logrou, en boa medida, grazas ao liderado de Shackleton.

E ademais, tamén podes vivir máis de cerca esta impresionante aventura coa película-documental do mesmo título que tes á túa disposición na biblioteca. Aquí podedes ver un pequeno avance:

Atrapados en el hielo na biblioteca

Para saber máis: La legendaria expedición a la Antártida

As presas do franquismo

La voz dormida achéganos ás vidas dunhas mulleres que decidiron asumir protagonismo para loitar por un mundo máis xusto.

Mulleres que xogaron un importante papel nuns anos decisivos na historia de España.

Mulleres recluídas na prisión de Las Ventas que, construída para 400 mulleres, chegou a ter a 4.500 presas vivindo nas peores condicións.

En palabras da súa autora, Dulce Chacón:

"Es necesario señalar el protagonismo de la mujer, no sólo en las cárceles sino también en el maquis y en la lucha clandestina, o como apoyo fundamental en la sociedad del vencido. El papel de la mujer fue tratado siempre como secundario, y ninguna novela hasta hoy había recogido su lucha."

"La mujer perdió dos veces. Perdió la guerra civil y perdió los derechos civiles que había logrado durante la República. En el primer caso, perdieron las mujeres republicanas, en el segundo, las dos, tanto republicanas como nacionales, porque fueron relegadas al ámbito doméstico. Hubo un organismo oficial que se llamaba la Sección Femenina, y que ensañaba a la mujer a ser ama de casa, descanso del guerrero y ángel del hogar.Esa pérdida la hemos arrastrado hasta hoy. La mujer tiene que mostrar su valía doblemente en cualquier campo, porque nuestra sociedad, la sociedad española, sigue siendo muy machista."

Vals con Bashir, a Historia debuxada

"Un descenso al infierno en dibujos" ( El País)

"Ari Folman estremece con la pesadilla de Sabra y Chatila" (Público)

"As últimas e conmovedoras imaxes catapultan a animación ao drama real, arrincándolle bágoas ao espectador" ( Elle)

"Unha decisión artística que permite que os pesadelos dos exsoldados sexan aínda máis aterradores, ademais de achegar unha dimensión apocalíptica e surrealista a esta película orixinal, universal e turbadora" ( Le journal du Dimanche)

Vals con Bashir é un documental que recolle testemuños e sucesos reais sobre a matanza indiscriminada en Sabra y Chatila (1982) coa particularidade de utilizar a animación para presentalos.


Tamén na sección de banda deseñada podemos atopar dous libros baseados en feitos históricos:

Persépolis que nos achega á revolución iraní a través dos ollos de Marjane Satrapi

E Maus, gañadora do Premio Pulitzer, onde o autor narra a vida de seu pai, supervivinte dos campos de exterminio nazis.

Vals con Bashir: Nominada a mellor película en fala non inglesa

Que dobre bicentenario!

CHARLES DARWIN

1831. Termina os seus estudos en Cambridge e enrólase na expedición científica que a bordo do HSM Beagle pretendía cartografar as costas de América do Sur.

1839. Contrae matrimonio coa súa prima Emma Wedgwood coa que tería 10 fillos.

1859. Logo de dedicar 20 anos a dar forma ás súas investigacións, Darwin publica A orixe das especies.

1860. As teorías evolucionistas son sometidas a debate nunha memorable sesión na Universidade de Oxford.

1882. O 19 de abril de 1882 Darwin morre en Downe (Inglaterra) e é enterrado na Abadía de Westminster, en Londres.

ABRAHAM LINCOLN

1842. Contrae matrimonio con Mary Todd.

1860. Convértese no décimosexto presidente de Estados Unidos e o primeiro do Partido Republicano.

1863. No Discurso de Gettysburg, unha das súas grandes demostracións de oratoria, anuncia a emancipación dos escravos.

1865. No mes de marzo, inicia o seu segundo mandato presidencial consecutivo.

1865. O 14 de abril é asasinado por John Wilkes Booth, un actor e simpatizante do Sur, mentres asistía a unha representación no Teatro Ford, en Washington.

Información recollida do suplemento de El Mundo

O xuízo do mono

No verán de 1925, no estado de Tennessee(EEUU), un fanático predicador levou aos tribunais ao profesor de bioloxía John Scopes, por explicar na súa clase a teoría da evolución de Darwin.

O profesor non podía entender a súa situación. Estaba preso por ensinar ciencia, que era o seu traballo.

O xuízo, que tivo unha enorme transcendencia social, converteuse nunha batalla titánica, entre o avogado da defensa e da acusación.

A prensa bautizou o caso co nome que o identificaría para sempre: "O xuízo do mono".

A película “La herencia del viento”(1960), baseada neste acontecemento, tédela á vosa disposición na biblioteca.

Máis cine en "A nosa carteleira"

Érase unha vez unha nena que quería ir á escola…

Esa nena chámase Baktay e vive baixo a estatua de Buda que destruíron os talibáns. Entre as dificultades que se vai atopar Baktay para poder conseguir o seu obxectivo está a de enfrontarse a nenos da súa mesma idade que, afeitos á guerra, xogan a ela.

Nesta semana que celebraremos o Día da Paz e a Non Violencia, Buda explotó por vergüenza é unha boa proposta para reflexionarmos, entre outras moitas cousas, sobre as consecuencias que calquera acto de violencia ten sobre os máis vulnerables.

Máis cine en A nosa carteleira

II Guerra mundial na biblioteca

O alumnado de 1º de Bacharelato de Sociais achegouse á II Guerra Mundial dun xeito moi activo xa que, durante uns días, convertéronse en auténticos reporteiros de guerra. Pero non corrían perigo ningún: estaban rodeados de libros.

E é que para levar a cabo o traballo proposto polas profesoras de Historia e Lingua Galega, Leonor e Marisé, “tomaron” a biblioteca do instituto e, armados con libros e películas, conseguiron sacar adiante unha tirada de 13 xornais que reflicten os acontecementos vividos naqueles anos.

Debían canalizar as novas que crían interesantes sobre o tema no formato dun xornal. Valoraráselles tanto a orixinalidade do soporte como o impacto do contido das súas investigacións.

Desde a Biblioteca queremos felicitarvos por estes magníficos traballos. Un aviso para os xornais: non perdades de vista os futuros xornalistas das Mariñas.