miércoles, 17 de diciembre de 2008

Eu para Nadal pido...

Aínda non mercastes os agasallos?
Anotastes xa na listaxe dese libro que vos interesaba?
Non sabedes moi ben que libro pedir?
Se queredes unha axuda, preguntádelles aos vosos pais, de seguro que eles vos botarán unha man á hora de elixir algún título interesante.


Ademais, xa tedes na vosa casa o boletín de recomendacións desta biblioteca.
Como? Que aínda non vos chegou? Que non sabedes onde se meteu? Non hai problema! Clica aquí e, ademais dun agasallo para ti, atoparás algo para os teus.

Boas lecturas de Nadal!

miércoles, 10 de diciembre de 2008

Non quedou outra!



Ante a listaxe de espera que se estaba formando para poder levar á casa este libro, a biblioteca decidiu aumentar o número de exemplares de Crepúsculo.


Descoñecemos se o que funcionou foi o boca a boca, a estrea da película (o pasado día 5) ou ambas as cousas á vez. Pero o que é ben certo é que o libro engancha, e se non, que llo pregunten a todas e todos aqueles que xa o leron.


Avisados quedades: 4 novos exemplares de Crepúsculo á vosa disposición na biblioteca.

martes, 9 de diciembre de 2008

Xogando cos libros


Ler ten premio é unha iniciativa promovida por CEDRO, o Plan de Fomento da Lectura, o Servizo de Orientación á Lectura e a Federación de Gremios de Editores de España, unha proposta máis para incentivar a lectura: un xogo online sobre literatura.
Hai que situar 20 personaxes que fuxiron dos seus libros a través das pistas que proporcionan. A primeira tarefa é deter o personaxe que corre e se agocha entre os libros; cantas máis pistas, menos puntos; os personaxes secundarios dan máis puntos cós protagonistas.
Poderedes xogar durante todo o mes de decembro.

Os premios son:

: Un smartphone modelo HTC ou similar.
y : Un GPS G350, deseño slim, con pantalla táctil e navegación por voz.
al 10º: Un marco dixital modelo Vision Middle, con pantalla TFT LCD de 5,6 pulgadas.

Premede na imaxe e... a xogar!!!

Facilitounos esta información Trafegando ronseis

lunes, 1 de diciembre de 2008

1 de Decembro: Loita contra a SIDA

Ravi, o protagonista de "El secreto mejor guardado" é un dos 14 millóns de menores no mundo que son orfos a causa da SIDA.

A curtametraxe forma parte do documental "En el mundo a cada rato" onde 5 directores a través de 5 historias denuncian a falta de dereitos básicos de nenos e nenas en distintas partes do mundo.


jueves, 27 de noviembre de 2008

A natureza en imaxes

Yann Arthus-Bertrand é un fotógrafo francés famoso polas súas fotografías aéreas da Terra. Un dos seus traballos máis coñecido é "A terra vista desde o ceo" con fotos dos cinco continentes.


Ten publicados máis de 60 libros con fotos tomadas desde helicópteros e globos aerostáticos. Algúns deles telos á túa disposición na biblioteca e con eles gozarás coas súas imaxes mentres te achegas á natureza.

La Tierra vista desde el cielo

El futuro de la tierra

La tierra explicada a los niños

martes, 25 de noviembre de 2008

As crónicas de Narnia

"Las crónicas de Narnia" é unha saga de libros xuvenís escrita por C.S.Lewis entre os anos 1949 e 1954. Narnia é unha terra de fantasía e maxia onde hai animais que falan e criaturas mitolóxicas.

Na nosa biblioteca podes atopar os cinco primeiros libros:

  • El sobrino del mago Narnia..., un lugar polo que deambulan bestas parlantes..., onde agarda unha bruxa..., onde un novo mundo está a piques de nacer.

  • El león, la bruja y el armario Narnia..., un mundo conxelado..., unha terra agarda a súa liberación.

  • El caballo y el muchacho Narnia..., un lugar onde os cabalos falan..., onde se maquina unha traición..., onde o destino agarda o seu momento.

  • El príncipe Caspián Narnia..., un lugar onde os animais falan..., onde as árbores andan..., onde se está a piques de librar unha gran batalla.

  • La travesía del caballero del Alba Narnia..., onde un dragón esperta..., onde as estrelas deambulan pola terra..., onde calquera cousa pode suceder.




E despois de lelos, lembra, na nosa carteleira atoparás as dúas películas que se fixeron baseadas nestes libros: "El león, la bruja y el armario" e " El príncipe Caspián".

Non as perdas!

lunes, 24 de noviembre de 2008

Violencia machista

La prisión provincial de Granada tiene un programa de prevención de la violencia contra la mujer que, en mi opinión, es más efectivo que mil campañas: hombres encarcelados por agredir a sus parejas dejan durante unas horas las celdas para narrar a grupos de escolares cómo se convirtieron en verdugos. En esas sesiones los reclusos exorcizan sus demonios. Es una experiencia muy instructiva para el que habla y para el que escucha.

Una de las principales enseñanzas que se extrae de esas charlas es que la semilla del machismo germina pronto. "No me gusta que te pongas esa falda tan corta". "¿De qué hablaste con ese chico durante una hora?". " No te pintes tanto". " No quiero que vayas sola a la discoteca". No, no, no... Es la convivencia de lo negativo. O el negativo de la convivencia. Son frases que pronuncian chavales de quince o dieciséis años, según sondeos realizados entre alumnas de instituto. La llamada violencia de género también se da entre parejas conformadas por menores.

El fenómeno de maltrato no entiende de edades. Según un estudio de la Universidad de Sevilla, el 6 por ciento de las mujeres son agredidas por sus parejas ya en la adolescencia. El problema se da más frecuentemente entre los catorce y dieciséis años, y la mayoría de las chicas - el 70 por ciento - mantiene su amistad con el maltratador. Muchas de las víctimas creen que los abusos de que son objeto son normales.


Tampoco en esos se diferencian de los adultos.

"Mis sentencias ejemplares", Emilio Calatayud ( Xuíz de menores de Granada)

miércoles, 19 de noviembre de 2008

Para coñecer mellor a nosa biblioteca

A nosa bibliotecaria virtual dávos a benvida non só á biblioteca senón tamén ás actividades que imos facer a partir desta semana para que todas e todos vós saibades como están dispostos os nosos fondos.


Viredes en grupos pequenos, e xuntos localizaremos libros, colocarémolos no seu sitio nos andeis, buscaremos información nos xornais e revistas, aprenderemos a sacarlle máis proveito aos dicionarios e enciclopedias, ... e ademais fuchicaremos niso que tanto vos gusta: o ordenador. Pero, iso si, para a busca de información, como está mandado. Non imos romper as normas!


Clicando na imaxe poderás coñecer mellor a biblioteca.

lunes, 17 de noviembre de 2008

Póñame unha de números, por favor

-Aí a ten, recén sacada do forno:
  • 750 Préstamos desde o 15 de setembro ata o día 16 de novembro.

  • 501 Libros

  • 234 Películas

  • 15 CDs de música

Non hai dúbida: a biblioteca móvese. E como se move !

jueves, 13 de noviembre de 2008

Ciencia

Seguramente reparaches en que a ciencia nos rodea por todas partes: coches, teléfonos, armas de destrución masiva, pasta de dentes,... Sen ela, o mundo sería moi diferente.



Para saber máis da ciencia e dos seus científicos achégate á biblioteca. Temos unha pequena exposición para ti.

miércoles, 12 de noviembre de 2008

Cursos en Torres de Malory

Hoxe quero facer un comentario sobre Cursos en Torres de Malory.
Conta a historia dun internado de alumnas nas que sempre sucede algo.
A protagonista chámase Darrel, é unha nena con algo de xenio...
Dentro das súas amigas hainas bromistas como Alicia, algo creídas, estudosas...
pero non hai ninguén como a súa amiga da alma.

Bueno agora non vos conto máis, se queredes saber algo sobre el, lédeo.

Haino na biblioteca.

Un saúdo, Eva.

Eva é alumna de 2º da ESO

domingo, 9 de noviembre de 2008

Como, quen, cando?


Como se orixinaron os fogos artificiais?
Quen decidiu que París sería a capital de Francia?
Cando son azuis as estrelas?
Como pode un barco flotar no mar?
Quen gravou a primeira canción?
Cando se espertan os volcáns?
Como....?
Quen....?
Cando...?

jueves, 6 de noviembre de 2008

El laberinto de la rosa


Comezo decindo que o libro "El laberinto de la rosa" é apasionante, un dos mellores libros que lin.


É un pouco longo, pero asegurovos que cando o empecedes a ler non queredes parar ata chegar ao final, e saber o desenlace...


Libro de intriga, con algunhas escenas... sorprendentes, como o propio libro dí, é un laberinto, ata o final. É sorprendente.


Recomendovos este libro, como ben dixen, e moi bo. Nunca leera un libro desa escritora pero gustoume moito. E sei que a quen lle guste ler, ou incluso, aos que non lle gusten moito... que os vai enganchar, porque van querer saber o que pasa ao final.

Escrito por unha alumna de 1º de Bacharelato que prefire manterse no anonimato.

lunes, 3 de noviembre de 2008

Os difuntos falaban castelao


Os mortos regresan ás Mariñas. Desta volta veñen da man do alumnado de Literatura Galega do século XX de 2º de Bacharelato e capitaneados pola profesora Marisé. Eles foron quen lles puxeron voz ao relato de Ánxel Fole "Os difuntos falaban castelao", incluído no libro: Á lus do candil. A biblioteca encargouse de darlle animación coa presentación que vedes enriba, e o Departamento de música recomendounos a melodía para acompañalo.

Hoxe asistiron ao acto os nosos primeiros de ESO. Durante esta semana a biblioteca será a lareira onde se contarán máis historias de medo.

viernes, 31 de octubre de 2008

Calacús, caveiras e libros.

Xa os romanos dedicaban polo menos un día ao ano a lembrar os seus mortos.


Nos primeiros días de novembro, coincidindo coas festividades de defuntos, celebramos o Samaín. Tamén coñecida como das Caliveras ou dos Calacús. Na crenza do pobo, servía para protexer a casa e afastar os males. Probablemente a súa orixe proveña do costume celta e doutros pobos bárbaros de cortar as cabezas dos inimigos tras a batalla e penduralas diante das portas e das murallas, ás veces alumeándoas cunha luz.



Non só a celebramos en Galiza, senón tamén en diversas zonas de Aragón, Asturias, Cáceres, Cuenca, León, Portugal e Zamora. Por outra banda, estamos ante unha tradición moi espallada por diversos países atlánticos, exportada a América, especialmente a EE UU.



Por que entón celebrar o Hallowen?



jueves, 30 de octubre de 2008

Preparándonos para o Samaín

BubbleShare: Share photos - Play some Online Games.



Noite de defuntos. Relatos de medo ao carón das lareiras, e por que non, tamén na biblioteca. Estes fragmentos perderon o seu fogar. De que libro cres que desapareceron?

Boeno; o conto foi que un día collín o camiño do cimeterio e atopéi ao enterrador un pouquiño non sei cómo e dispóis de falarmos moito díxome que tiña de contarme en segredo unha cousa (...)
-Apopéi uns papeles nunha caixa!... Nunha caixa que non sei de quén sería. O esquelete tiña na calivera un ollo de vidro que me fitaba con xenreira. (...)
Eran cachos de periódico, papeles de fumar..., todos numerados, e no primeiro campaban istas verbas: "Memorias dun esquelete".

En honor a la verdad, debo decir que aquel caserón, al que nosotros denominábamos con orgullo el Palacio de la Medianoche (en consideración al horario de nuestras sesiones plenarias), nunca estuvo encantado. La fama de su embrujo, empero, no era ajena a nuestra labor subterránea. Uno de nuestros miembros fundadores, Siraj, asmático profesional y experto erudito en historias de fantasmas, aparecidos y encantamientos de la ciudad de Calcuta, tramó una leyenda convenientemente siniestra y verosímil respecto a un supuesto antiguo inquilino.

Poñámonos eiquí, preto da Catedral. Poñámonos eiquí a agardar. ¿Seica é o medo quen apuxa de nós? ¿Seica é o sabere da sua seguranza o que leva os nosos pés onde a Catedral? ¿E logo qué medos pode habere pra nós, as probes, as probiñas mulleres de Cantórbery?

Demurral exclamó en la noche:
-¡Olas y viento, fuego y agua! ¡Trueno, rayo y granizo, oíd mis deseos, oíd mis palabras! Surgid del norte y de las profundidades. Tormenta, tempestad y viento enfurecido, haced que el barco naufrague en esta orilla, traedme el querubín. (...)
Entonces sucedió. (...) Del mar negro oscuro surgió un coro de selot: gráciles, etéreas criaturas femeninas que cantaban y daban vueltas alrededor del barco, despertadas de su letargo por la llamada del sacerdote.

jueves, 23 de octubre de 2008

24 de outubro, Día da Biblioteca

Como di o premiado Agustín Fernández Paz, o pregoeiro desta efeméride, e como ilustra á perfección Xosé Cobas no cartel conmemorativo deste día: "onde hai unha biblioteca hai unha luz que traspasa todos os muros", nós engadimos: unha luz que enriquece, que complementa a nosa educación. Nos libros atopamos "os soños, as paixóns, os medos, os amores, as risas. Nas súas páxinas habita a inmensa variedade de sentimentos e experiencias da humanidade, das persoas que viven agora en calquera lugar do mundo e das que desapareceron hai moitos anos". Na nosa biblioteca estes días tamén atopades os testemuños directos de persoas de diversas profesións, orixe, raza..., todas elas unidas pola lectura, a lectura dun libro que as marcou e que quixeron compartir connosco falándonos deses medos, desas risas, deses amores, deses soños...

Este ano o Día da Biblioteca celébrase ben pertiño de nós, en Compostela. No IES As Mariñas celebrámolo todos os días, como non, na nosa biblioteca.

miércoles, 22 de octubre de 2008

A nosa carteleira

Cando queirades consultar a lista de películas que hai na biblioteca só tedes que ir á nosa páxina de cine, no lateral deste mesmo blogue, e picar no abecedario.

Alí atoparedes: unha listaxe alfabética de todo o noso cine, información detallada da maioría das películas e unha clasificación temáticas das mesmas.
Tamén poderas ler distintas opinións sobre elas.

E se che animas a deixar a túa?


Que empece a función!

martes, 21 de octubre de 2008

El lector

Hanna é unha muller de trinta e seis anos que seduce a Michael, un mozo de quince. Nos seus encontros amorosos Michael, a petición de Hanna, le textos de Schiller, Goethe, Tolstói, Dickens… ata que un día ela desaparece sen ningunha explicación.

Anos máis tarde atópanse nunha situación completamente distinta: el é un estudante de Dereito e ela ...

Ata aquí pódese contar. O resto teredes que descubrilo vós cando leades este magnífico relato de Bernhard Schlink.

"El lector", proximamente no moble de novidades.







jueves, 16 de octubre de 2008

E ti que les?

BubbleShare: Share photos - School Crafts

Acaso nunca te preguntaches: que lerá o humorista Luis Piedrahita? E a artista Mercedes Peón? E Sergio, o futbolista do Dépor, lerá só o Marca? E o escritor Xavier Docampo, terá tempo para ler?

Se queredes resolver estas preguntas, pasádevos pola biblioteca. Ata finais de mes poderedes ver a exposición que nos cedeu o IES de Sabón sobre as lecturas de persoeiros relevantes do mundo do espectáculo, do deporte e mais da cultura galega.

BubbleShare: Share photos - Craft Supplies



lunes, 13 de octubre de 2008

Ramiro Fonte sempre entre nós.

Desde esta biblioteca queremos unirnos ás voces que non esquecerán este autor da nosa literatura.

LUCES DO MEDIODÍA

O mediodía escribe
As mellores palabras sobre a noite;

No seu xardín a flor
Amígase coa estrela insubornable.

Nas copas en que xuntos afogamos
As augas moribundas doutras lúas,
Xa estaba a luz
Serena para sempre, presentida.

Aqueles ollos meus
Que nunca se cansaron de mirarte.


(De Luz do mediodía)

sábado, 11 de octubre de 2008

Só quedan 3 días...



Sabémolo: moitos de vós estades a agardar o día da súa chegada á nosa biblioteca. Como o cazador que venta a súa presa vides día a día polo mostrador preguntando por eles. Pois ben, o vindeiro martes xa os teredes listos para levar.

Estamos a falar de Amanecer, de Stephenie Meyer, cuarta entrega da serie comentada no artigo anterior, e de Los guardianes de piedra, quinto libro da serie de Ulisses Moore.

Para facer máis curta a espera podedes ir recompoñendo a portada dun deles. Para iso só tedes que clicar nela e... atentos, o tempo empeza a contar!

miércoles, 8 de octubre de 2008

Crepúsculo

Cando lin este título pregunteime: que demos ten este libro para engaiolar a xente? Ben, esta pregunta, en realidade, fíxenma cando vin este libro no andel do meu queridísimo amigo Elros Yavetil. Cando lle preguntei se mo prestaba (pareceume interesante o que me comentou sobre el), díxome que o estaba relendo. Caeume a alma ao chan. Mais o caso é que como van botar a peli dixen: Por que non lelo? Cando o vin na bilioteca do meu instituto a pregunta de antes volveume á mente. Pero, en realidade, ao ver o libro (e as dúas partes seguintes) alí, foi coma se o anxo da Anunciación me iluminase e viñese cara a min. Isto foi o venres.

O sábado xa o tiña lido. O luns xa collín o segundo Luna nueva e o martes o terceiro: Eclipse. Estarédesvos preguntando como podo facer iso. Ben, eu respondo co seguinte: "As noites de inverno son longas (e escuras)". Considérome un bibliófilo.

Ben, despois de toda a parrafada anterior para comentarvos a odisea con estes libros, pásovos a comentar un pouco por riba o primeiro, Crepúsculo, para non quitarlle a emoción.

Este primeiro libro comeza coa aburrida personaxe principal (a personaxe é a aburrida, non eu) pois marcha á vila de seu pai (seus pais están separados), un lugar de América cuxo nome non quero desvelar, e é máis ben un lugar escuro, dado que sae pouco o sol por alá. En fin, Bella, que é como se chama a nosa aburrida personaxe, vai a esa vila para estudar e para estar lonxe de súa nai e do actual noivo desta.

No colexio, Bella coñece un grupo de xente estraña. Un deles é Edward, e é un vampiro.

Só podo engadir que se namoran (e de que xeito!), e a partir de aí, comeza unha serie de enredos que irás descubrindo ao longo do libro e que continúan en Luna nueva e Eclipse.

Está a piques de saír a última entrega desta fantástica colección. O seu título: Amanecer.

lunes, 6 de octubre de 2008

E logho, iso que é?


Víchelo ben? Si? Que de que falo? Acaso non reparaches nese lapis simpático que está embaixo da foto da esquerda? Ahhhhhhhhhhhhh! Agora si, verdade? O noso logho!

Que vos parece a nosa mascota? Ideouna o voso compañeiro Daniel Ferreiro Presedo e Cristina , a profe de plástica, axudounos a retocarlle as liñas para que lucise en todo o seu esplendor.

Tivemos moitos pretendentes no concurso para buscar a nosa mascota. Foi tamén moi votada a formiguiña lectora de Darío Bugallo Sánchez que conseguiu o segundo premio.
Precisabamos alguén que nos representase pola blogosfera bibliotecaria adiante e velaí está.

Agora só nos queda buscarlle un nome, e gustaríanos que fósedes vós quen lle puxese un ben chuliño.

viernes, 3 de octubre de 2008

Comeza o espectáculo!


Nin a Xbox 360, nin a Playstation 3, nin a volta aos clásicos da consola virtual da Wii que está a retomar o Mario e o Sonic iniciais, son quen de desbancar a emoción, a maxia e os mundos paralelos que atopamos nos libros .

Chega setembro, comezan as clases, e o fascinante circo dos libros reinicia as súas funcións na nosa biblioteca. Velaí xa tedes o Sr. Boletín de outubro presentando algunhas das estrelas que atoparedes nos andeis.

Ocupen os seus asentos, abran as súas mentes ante a fascinación e a maxia do que van ler.

jueves, 2 de octubre de 2008

Éche ben doado! Mochila viaxeira en só tres pasos

Por segundo ano as mochilas viaxeiras están preparadas para comezaren o seu percorrido polos vosos fogares. Como xa sabedes algúns de vós, van equipadas con libros, películas e música axeitada para toda a vosa familia.

Pasos que tedes que seguir para facervos con elas:

Paso 1: mirade nos carteis que hai repartidos polo instituto ou no blogue desta biblioteca cal é o contido das mochilas e elixide aquela que máis vos guste.


Paso 2: acudide á biblioteca e pedídelle ao profesor ou profesora de garda a mochila que elixistes. Se xa estivese emprestada podedes pedir que vos apunten na lista de espera desa mochila ou pedir outra que estea libre.


Paso 3: Lembrade que tedes 15 días para gozar delas. Despois dese prazo é preciso devolvela na biblioteca. Hai moitos fogares que as agardan.

Ah! unha cousiña máis, agradeceriámosvos que deixásedes a vosa opinión sobre esta actividade.

martes, 16 de septiembre de 2008

O circo das letras reabre as súas portas.

Pasen, pasen e vexan!

Benvidos e benvidas!
Un ano máis a Biblioteca do IES As Mariñas abre a súa carpa central para ofrecervos o seu espectáculo de letras, aventura, saber, ilusión... Nela atoparedes: magos , artistas da bicicleta, un forzudo moi especial, mulleres escapistas, acacróbatas do día a día, actores e actrices, pallasos que nos farán rir, funambulistas que nos manterán en tensión...
E os nosos animais non están en xaulas. Iso nunca! Podédelos coller, acariñar, saber da súa vida.

Pero, coma sempre, as estrelas do noso "circo" sodes vós. Vós sodes quen desfai os nós das cordas que pechan a tea da carpa para adentrarse na biblioteca cada comezo de curso.

Pasen, pasen e lean! E gocen do espectáculo.

lunes, 30 de junio de 2008

A liberdade de ler

Velaquí tedes os dereitos do lector. Roubámosllos a Daniel Pennac (Como unha novela) para vós. Esixídeos e exercédeos, pero ante todo, gozade da lectura!



viernes, 27 de junio de 2008

Cilok.net


Ana, Cristina e Lucía, alumnas do Ciclo Superior de Administración e Finanzas deste centro, recollerán o vindeiro día 5 de xullo en Ribadeo o premio que conseguiron no Certame de Cooperativismo no Ensino.

O seu traballo, a creación dunha empresa desde a concepción da idea ata a posta en marcha da mesma, converteunas durante 6 meses en auténticas emprendedoras, non só polo labor levado a cabo, senón tamén polas ganas e empeño postos desde un principio.

Cilok.net, a súa empresa, é un cíber-locutorio pero tamén conta cun pequeno espazo dedicado á venda de agasallos personalizados.

Elas son o exemplo das nosas futuras empresarias. Idea, esforzo compartido, paixón.

Noraboa, mozas!

miércoles, 18 de junio de 2008

David (3º ESO). Pai e fillo falan de lectura.

- Ola papá! Importaríache contestarme a unhas preguntas relacionadas coa lectura?
- Non, podes empezar xa.
- Soes ler libros a miúdo?
- Non agora non leo nunca, tan só leo os xornais, a maioría deportivos.
- E entón, antes si acostumabas a ler moito?
- Aínda lía bastante pero funo deixando e deixando ata que parei de todo.
- E que lias?
- Lia un pouco de todo.
- Non había ningún tipo que che gustase en especial?
- Home si, a min o que máis me gustaba era ler novelas de vaqueiros. - Cantas levas lido?
- Bbuufff, moitas, nunca me parara a pensar niso.
- E, como facías para conseguilas?
- Eu mais os meus compañeiros cambiabámonolas.
- Todos liades o mesmo tipo de novelas?
- Si, a todos nos gustaban e, ademais era unha forma de pasar o tempo e non se aburrir.
- Ben pois, moitas grazas por contestarme as preguntas papá.
- De nada ho! Eu tamén o paso ben cando che falo das cousas da miña xuventude.

Escrito polo reporteiro David Gómez García.

martes, 17 de junio de 2008

Miguel (3º ESO) entrevista unha lectora novel: súa irmá.

É nova, ten 8 anos; pero isto non lle impide ser una afeccionada á lectura; non le libros grosos nin libros q a xente di que están moi ben, non, le libros pequenos e curtos adaptados á súa idade e o que é máis importante, que lle gustan a ela.
Xa sei que é una persoa nova, pero a que idade comezou a ler libros de historias?
Non o sei seguramente, pero arredor dós 4 ou 5 anos.
Cando adoita ler?
Adoito ler sobretodo pola noite, antes de me acostar, aínda que tamén leo de vez en cando pola tarde.
Canto tempo lle adica á lectura? Pois depende do libro, se me gusta ou non, pero arredor de media hora diaria, e normalmente sobre uns 4 días á semana.
Intento adiviñar a resposta á seguinte pregunta, pero, que tipo de libros acostuma ler?
Infantís, sobretodo baseados en debuxos animados.
As bandas deseñadas están a coller forza nos últimos anos, é seguidora deste tipo de literatura?
Si, poderíase decir que si, gústanme moito xa que combinan dúas das cousas que máis me gustan, debuxo e lectura.
Gustaríame que nos comentase un pouco o último libro que leu.
O último libro que estiven a ler foi o de Os Bolechas fan maxia, son una seguidora desta serie porque son libros fáciles de entender e moi divertidos. Nel fálase dunha familia, os Bolechas, neste caso Loli fai maxia como espectáculo para a súa familia.
Por último quería pedirlle que nos recomendase algún libro que lera e que lle gustara especialmente.
Gústanme moito mos libros de Disney basados nas películas de animación, como Cars e A Cincenta, ademais da serie de libros dos Bolechas. Divírtome moito lendo estes libros. Non vos arrepentiredes de lelos.

viernes, 13 de junio de 2008

"54 Rúas cantan a Curros"

Entre as actividades desenvolvidas neste ano-centenario da morte do poeta celanovés, a Fundación Curros Enríquez convocou ás 54 vilas que contan cunha rúa co nome do poeta para que nelas se lesen ás 12 h. do 5 de xuño poemas do autor. Entre esas vilas está Betanzos.
O noso instituto, As Mariñas, acudiu á cita. O acto desenvolveuse na sala capitular do Concello, porque a rúa dedicada ao escritor homenaxeado e a toda a zona está en obras.
O acto comezou co son da gaita, versionando a “Cántiga” e seguiron as voces mozas das nosas alumnas: Estefanía Ferreiro, Rocío Fidalgo, Patricia Badía, Rocío Pedreira e Sonia Martínez e do alumno Ezequiel López, todos de 4º de ESO. Deron vida e voz aos poemas: “Nouturnio”, “O vento”, “Ós mozos”, “Ai”, “A Rosalía”, “Na chegada a Ourense da ...” e finalizaron coa famosa “Cántiga”. E chegou a fin da homenaxe betanceira ao poeta no son do gaiteiro.

miércoles, 11 de junio de 2008

Alba (3º ESO). Entrevista a un lector: seu pai.

Cando meu pai entra entra na miña habitación para decirme se quería ir con el a dar un paseo por Sada eu dígolle que máis tarde xa que lle quería facer unha entrevista sobre a lectura , e el acepta encantado. E mentres se acomodaba sobre a miña cama ,comezan as preguntas:
- Que é para ti un libro?
- Para min un libro é unha guía para descubrir e interpretar o mundo.
- Gústache ler?
- Si, moito, porque me encanta a linguaxe, as linguas , os, as, uns, unhas…
- Cal é o teu libro favorito?
- O meu libro favorito? Non teño libro favorito pero penso que os meus libros favoritos o son por etapas, son os que pasan pola miña mesiña de noite, de onde nunca caen o Evanxeo nin a Biblia .
- Estas lendo algún libro agora?
- Si
- Cal?
- El Viento de la Luna , de Antonio Muñoz Molina , regaláchesmo ti en Reis,non te acordas? Pero como estaba lendo El Nombre de la Rosa , de Umberto Eco e Las Manos del Buen Dios de Rilke ,pois non tivera tempo para empezalo .
- Acabaches de ler El Nombre de la Rosa?
- Non, non fun quen de terminalo.
- Por que?
- Porque era moi denso; as descricións eran demasiado extensas .E unha cousa é que me guste ler e outra que teña tempo para facelo. Hai momentos pola semana en que non teño tempo ou pouco tempo para dedicarme a lectura dun libro.
- A que idade empezaches a ler?
- Sobre os 4 ou os 5 anos.
- Cando te empezaches a interesar pola lectura de libros?
- Tiven uns amigos que eran moi bos lectores, era estudantes de filosofía, e a min me impresionaba o caudal expresivo e de relación que eles tiñan grazas a lectura, así que sobre os 20 anos. Pero agora que me lembro, tamén cando tiña 15 anos e estaba na escola, empecei a pensar que o mundo necesitaba ser interpretado e que escodía misterios e que un libro é como aquela visión que desexases pusuír e da que tes que contentarte; mirar todo polo burato dunha porta .
- Soes ler en galego?
- Bueno, non moito xa que me costa bastante pero encántame o galego.
- Soes comprar xornais?
- Si, os sábados e os domingos ; El País, El Mundo, La Voz de Galicia e non me soen pasar desapercividos os suplementos literarios e semanais destes xornais . Mais ben , son lector de suplementos que de libros (risas) .
- Regalaches algunha vez un libro teu?
- Si, agora mesmo venme a memoria un libro que boto de menos na miña biblioteca chamado, Industrias y Andanzas de Alfanhuí , de Rafael Sánchez Ferlosio, estou interesado en seguir lendo este autor .
- De que trata?
- Trata dun neno pequeno que non sabe ler nin escribir e que se inventa un idioma.
- Do que estou convencido é de que un libro hai que lelo “sen soltalo da man” demasiado tempo.
- Ben, moitas grazas, e deséxoche que poidas encher o tempo libre con boas lecturas .

Escrito pola nosa reporteira: Alba Fernández Pato.
Related Posts with Thumbnails