Non o fagas por ti, faino por Haití

Mañá pecha as portas o "mercadillo solidario" que temos instalado na cafetería do instituto, así que, preparádevos para as últimas compras.

Como ben sabedes todo o recaudado se repartirá entre Intermon e Médicos sin fronteras para axudar a Haití na súa recuperación despois do terrible terremoto acontencido hai uns meses.

Moitas grazas a todas e a todos aqueles que participastes doando, comprando, decorando, publicitando e atendendo este mercadiño. E moitas grazas tamén para Bibloranca que nos deixou en préstamo o lema: Non o fagas por ti, faino por Haití.

Que trema "El Corte inglés"!

Si, si, que trema, que este ano a biblioteca decidiu facerlle a competencia e está a ofrecerlle ao alumnado o agasallo ideal para súas nais: unha hora de tempo libre.

E diredes: e iso, como se fai? Moi sinxelo, imos propoñeros dúas opcións:

1º Pide en préstamo un libro na biblioteca para ela e deixalle esa hora diaria para que goce da súa lectura. Temos unha pequena exposición na entrada da biblio pero se non atopas un que lle poida gustar, non o dubides, entra e pregunta que te atenderemos encantadas.

2º Fai de cociñeir@ por un día e para iso colle para ti un libro de recetas e prepáralle un prato "especial" para ela. Hai libros de cociña na exposición pero se cres que son máis complicados do que podes facer, pídenos unha das "nosas recetas", temos un lote delas, moi fáciles de facer, para ti.

Podes escoller unha ou as dúas opcións e non olvides pedir para ti un marcapáxinas feito para a ocasión.

E, lembra que no mercadiño solidario, que hai instalado na cafetería, tamén atoparás algo para sorprendela.

Non o dúbides: este ano, estírate coa túa nai

Voy a vivir

María Naveira Barros, alumna de 1º de Bacharelato Tecnolóxico, quere facernos a recomendación de lectura dun libro que lle gustou moito. De feito solicitou á biblioteca a adquisición da segunda parte, cousa que faremos en canto saia.
Pero deixemos que María nos conte...

O libro Voy a vivir, de Andy Tricker, relata unha etapa da súa propia vida, cando con dezasete anos sofre un accidente de moto que o deixa atado a unha cadeira de rodas por tempo indefinido. Andy comeza moi entusiasmado a súa rehabilitación, pero por moito que o intenta non dá froitos.

Cando regresa á súa casa, coa súa familia, sen poder camiñar, decide recorrer a médicos quiroprácticos, curandeiros e hipnotizadores pero, por desgraza, nada resulta.

É un libro recomendable, xa que relata unha historia de superación, a historia dun rapaz novo que trata de sobrevivir á súa propia vida.

Na guía de lectura sobre a discapacidade atoparás outros libros que che poden interesar:

O libro está de festa

Si, si, hoxe é o día

E que vos parece se lle facemos un agasallo cada un de nós cunha recomendación de lectura, ou falamos dese libro que temos entre as mans?

Pois ánimo! Falemos de libros!

Somos finalistas!

Acabamos de enterarnos, e non nos podemos resistir a facervos partícipes da nosa alegría: Somos finalistas dos Premios Edublogs 2010 na categoría de Blogs de Bibliotecas Escolares!

Compartimos os nervios da espera do resultado final con:

A BIBLIOTECA DO COLMEIRO

ARS LEGENDI

BIBLIOLUCES

BIBLIOTECA ESCOLA LA JOTA

BIBLIOTECA MIGUEL DE CERVANTES IES SUEL

BIBLIOTECA VIVA

EL BAÚL DE LADY BOOK

EL CALETA TAMBIÉN LEE

MIREM QUE FEM A LA NOSTRA BIBLIOTECA

Ademais, estes días, tamén recibimos un triple agasallo: Os blogues Bibloranca, A biblioteca do Colmeiro e Arquivos do trasno outorgáronnos o premio "Vale a pena ficar de olho nesse blog!" Moitas grazas aos tres.

Matemáticas curiosas

Cristina, a través dunha pista, proponnos un enigma, que consiste en adiviñar o título dun libro relacionado coas matemáticas, a través das seguintes letras:

E A D A A S R O T L I E S T P A V O P S L M E A N A S

Pista: Sacar factores

A solución: Dentro duns días e, mentres, podedes ir dando posibles solucións nos comentarios deste artigo.

A que sodes capaces de dar coa resposta?!

Moitas grazas, Cristina, por "rompernos a cabeza"

Sabías que...?

As Misións pedagóxicas foron un proxecto educativo moi innovador que levou a cabo a Segunda República (14 de abril de 1931- 1 de abril de 1936) e que achegou a cultura aos lugares máis recónditos da xeografía española.

Mentres estiveron vixentes chegaron a crear máis de 5000 bibliotecas e visitar preto de 7000 lugares.

O seguinte documental fala da súa orixe ( Institución Libre de Ensinanza) e o seu traballo.

Mundo roto

Gústanos Macaco, solidarizámonos co pobo saharaui e apoiamos o labor do Bubisher.

Que mellor que este vídeo, rodado no campamento de refuxiados saharauis de Dajla, para unir todo o anterior?

Tarde de compras

Como ben sabedes, na biblioteca tedes a oportunidade de facer as vosas peticións de adquisicións de libros, películas e música a través dun formulario que atoparedes no casilleiro onde tamén están os marcapáxinas.

Pois ben, este venres puxemos ao día as vosas propostas de cine e música, é dicir: fomos de compras.

Adrián, xa podes coller en préstamo a película Planet 51 máis o cd de música Europa, el mejor pop 2010.

Carolina, Siete almas espera por ti na biblioteca.

Darío, todos os teus dexesos cumplidos: El día de mañana e 2012 xa teñen sitio no andel das pelis.

A proposta de Cristina, profe de relixión, foi para El señor de la guerra.

Luna nueva, pediuna Claudia pero xa ten lista de espera.

Escapóusenos un anónimo e aínda así lle fixemos caso: Titanic.

A propia biblioteca non se puido resistir: Ágora, El secreto de sus ojos e todo un clásico como El bueno, el feo y el malo.

Jorge e mais Víctor levaban tempo esperando Puerto presente de Macaco.

Podedes vir recoller os vosos pedidos!

Máis cine na nosa carteleira!

Grazas Maitena polo debuxo, esperamos que saibas disculparnos por cambiarlle o texto.

En abril, libros mil

As novidades non chegan a mil, pero... hainas para todos os gustos

Sabías que...?

A obra teatral Bodas de sangre, escrita por Federico García Lorca en 1931, está baseada en feitos reais acontecidos nun cortijo de Níjar (Almería) en 1928.

A traxedia, que o escritor coñeceu a través da prensa, recolle o sentir da Andalucía máis profunda:

Francisca é unha moza de vinte anos que, namorada do seu primo Paco, foxe con el na noite na que se ía celebrar a voda que a súa familia lle tiña amañada. A súa irmá e o seu cuñado, para vingar a deshonra, esperánnos nun cruce de camiños coa intención de darlles morte: Paco recibe tres tiros mortais, Francisca sobrevive ao intento de estrangulamento.

Máis información sobre a verdadeira traxedia do Cortijo del Fraile