Unha boa nova

Alfredo Crespo, alumno de 3º de ESO do IES As Mariñas, o noso xove escritor vén de gañar nada menos que o 1º premio (300 €) con varios poemas e o accésit (150€) cun relato no III Concurso de Creación Literaria do Concello de Betanzos. 

E toda a Comunidade Educativa das Mariñas dálle a noraboa polo éxito e comparte con el a ledicia, aínda que xa nos ten afeito sao seu bo facer que xa lle supuxeron máis recoñecementos e éxitos. 

Toda unha promesa literaria e un orgullo: NORABOA!!!!!

Iván e Sergio van ao cine

-Sabedes quen foron  os gañadores do concurso Cine e Literatura?

-Pois... Iván e Sergio.

- E que tiñan de premio?

- Dúas entradas para o cine con dereito a palomitas, bebidas e golosinas.

- Para que película?

- Poden elixir a que queiran. Teñen todo o curso para decidir a película que máis lles apeteza.

Disfrutade do premio!

E o premio foi para...

O derradeiro venres rematou o prazo para presentar as respostas ao concurso de "Pasaparola" e hoxe a man inocente de Adrián  descubriu o gañador do premio.

A casualidade quixo que a única papeleta que tiña varios autores fose a elexida: así Fran, Dani e Alfredo, alumnos de 2º da ESO, repartíronse a cesta italiana.

Noraboa a todos, non só aos premiados senón tamén a todos os que participaron coa súa investigación na busca das respostas.

Ata a próxima viaxe!

A carta de Zacarías aos "olímpicos"

Noraboa a ti, Marta, polo excelente resultado obtido, pese á falta de tempo: cuarto lugar. Excelente.

Noraboa aos dous polo fenomenal traballo e empeño que puxestes.

E a ti, Alfredo, lamentar esa mala sorte cos erros e a falta de tempo, pero animarte a seguir traballando con esa boísima actitude e capacidade de análise crítico.

É un tremendo orgullo ser o voso profesor.

Saúdos e parabens tamén aos vosos pais, que teñen que estar moi satisfeitos da vosa traxectoria escolar.

Fernando Zacarías, profesor de Matemáticas.

Óscars na biblioteca

Nestes días e coindindo coa entrega dos premios cinematográficos, a exposición da biblioteca vai de cine.

Pero de cine do bo, de aquelas películas que no seu momento recibiron un ou máis Óscars nas categorías de mellor dirección, película, actor, actriz, vestiario, banda sonora, guión... E non podían faltar, por suposto, os libros sobre cine e aqueles nos que se basearon algunhas das pelis.

Tedes un montón para elixir.

Deixádevos acompañar polo cine.

Campións, campións, oe, oe, oe !!!

Si, si, iso é o que son Jesús Manuel Fuentes Verdía e Mario Barreiro Iglesias, alumnos deste centro que, capitaneados polo profesor de automoción, Manuel Fuentes Rebón, conseguiron a medalla de ouro das Olimpíadas de Formación Profesional SpainSkills 2011 na categoría de Vehículo Industrial.

Noraboa e grazas por representar tan ben As Mariñas!!!

Achegándonos a Ana María Matute, premio Cervantes 2010

A escritora fala da lectura, do amor, da guerra, da súa vida...

Logo de escoitala, nos vos gustaría ler algún dos seus libros?

Mario Vargas Llosa

Non podemos pechar a semana sen facer mención ao último premio Nobel de Literatura: o escritor peruano Mario Vargas Llosa.

Se queres achegarte a súa obra ou reler algún dos seus libros, na nosa biblioteca podes atopar:

Conversación en la Catedral Elogio de la madrastra La guerra del fin del mundo La fiesta del Chivo Travesuras de una niña mala Los cachorros Los jefes

Xa temos a buxaina!

Esta fin de semana fomos a Madrid a recoller a "peonza de bronce" que nos foi concedida nos IV Premios Edublogs na categoría de Bibliotecas Escolares.

Acompañáronnos Andrea e Cristina, alumnas de 1º de bacharelato, como representantes desa parte do alumnado que colabora neste blogue. O premio é, como non podía ser menos, para tod@s el@s tamén.

A viaxe non puido comezar mellor: aloxámonos no Barrio das Letras! Xusto ao carón da casa de Cervantes e a poucos metros da de Lope de Vega!

O sábado pola mañá acudimos á entrega de premios que foi moi emotiva. Gozamos con Alfonso Alcántara que nos demostrou que "Los blogs son unos maleducados", puxémoslle cara ás compañeiras bibliotecarias premiadas (Mireu que fem a la nostra biblioteca, Ars Legendi e A Biblioteca do Colmeiro) e recollemos a nosa buxaina.

Pola tarde visitamos a Feira do Libro de Madrid que cumpría 69 anos. A de escritoras e escritores coñecidos que alí vimos! : Camilla Lëckberg, Claudia Gray, Antonio Muñoz Molina, Javier Reverte, Eduardo Mendoza, Almudena Grandes, Asa Larsson, Julia Navarro ...

O domingo foi día de comtemplación: achegámonos ao Museo Reina Sofía para ver o Guernica; en CaixaForum impresionounos a exposición de Fotopress 09 e maravillounos a de Miquel Barceló. Aproveitamos tamén para achegarnos á Estación de Atocha e visitar a homenaxe ás vítimas do 11 M.

Ademais diso paseamos, comimos, rimos moito, pasamos moita calor e gozamos non só do premio senón tamén de Madrid. Se tedes dúbidas, preguntádelle a Andrea e a Cristina, de seguro que vos animan a que colaboredes neste blogue: ten premio!

Conseguímolo!

A nosa noraboa ao 1º e 2º premios que foron para Mireu què fem a la nostra biblioteca e Ars legendi e para todos os que participaron no concurso. Ben o merecen!

Somos finalistas!

Acabamos de enterarnos, e non nos podemos resistir a facervos partícipes da nosa alegría: Somos finalistas dos Premios Edublogs 2010 na categoría de Blogs de Bibliotecas Escolares!

Compartimos os nervios da espera do resultado final con:

A BIBLIOTECA DO COLMEIRO

ARS LEGENDI

BIBLIOLUCES

BIBLIOTECA ESCOLA LA JOTA

BIBLIOTECA MIGUEL DE CERVANTES IES SUEL

BIBLIOTECA VIVA

EL BAÚL DE LADY BOOK

EL CALETA TAMBIÉN LEE

MIREM QUE FEM A LA NOSTRA BIBLIOTECA

Ademais, estes días, tamén recibimos un triple agasallo: Os blogues Bibloranca, A biblioteca do Colmeiro e Arquivos do trasno outorgáronnos o premio "Vale a pena ficar de olho nesse blog!" Moitas grazas aos tres.

Os premios Óscar están na biblioteca

De seguro que sabedes que Kathryn Bigalow se converteu, a pasada noite do domingo, na primeira muller que recibiu un Óscar á mellor dirección coa película En tierra hostil.

Pode ser que tamén saibades que estoutro filme, Up, levou dous premios: á mellor película animada e á mellor banda sonora.

O que pode ser que descoñezades é que esta encantadora película, para todas as idades, xa está na biblioteca. Mentres esperades a pedila, podedes ir botandolle unha ollada ao trailer:

Outros premios foron para as cintas El secreto de tus ojos (mellor película en fala non inglesa) e Precious (mellor actriz de reparto e mellor guión adaptado). As dúas baseadas en cadanseu libro (El secreto de tus ojos e Push) que tamén temos na biblioteca. Se tedes curiosidade en lelos, adiantámosvos a sipnose:

Treinta años atrás, cuando Benjamín Chaparro era prosecretario en un juzgado de instrucción, llegó a su oficina la causa de un homicidio que no pudo olvidar. Ahora, ya jubilado, repasa buena parte de su vida, las instancias de ese caso y sus insospechadas derivaciones, y la historia de un amor secreto que lo mantiene acorralado entre la pasión y el silencio.

(Editorial Alfaguara)

Precious Jones tiene dieciséis años, es negra y casi analfabeta, y espera su segundo hijo. El primero lo tuvo a los doce años, y el padre de ambos es su propio padre. Vive en Harlem con su madre, una reclusa obesa y cruel que mira la televisión sin cesar, devora la comida que la jovencita le prepara y la somete a los más denigrantes abusos. Forzada a abandonar la escuela, Precious acaba en un instituto para casos desesperados. Pero allí está la señorita Rain que le dará la oportunidad de recuperar su dignidad. (Editorial Anagrama)

Unha historia de amor

Atopámolo no blogue Milladoiro. Encantounos e dixémonos... que mellor que este corto ruso, premiado nos Oscar 2009, para ilustrar estes días tan namoradeiros?
Dito e feito. Aquí o tedes:

Premios Edublogs 2010

Este blogue, que é un pouco de todas e todos aqueles que facemos da biblioteca do instituto un lugar especial, preséntase aos Premios Edublogs 2010.

E diredes, cal é o motivo?

Pois ben sinxelo! Queremos estar xunto con outros blogues de bibliotecas escolares que traballan polo mesmo ca nós: para poder atopar esas lecturas que axudan a coñecer outros mundos, ou eses libros que fan máis doado o estudo dalgunhas materias, ou esas películas que fan sentir outras realidades, ou esas músicas que invitan a soñar, ou ese encontro con outros lectores cos que poder compartir os nosos gustos; ou simplemente, para poder atopar ese espazo real rodeado de libros, do que é espello cada blogue das bibliotecas escolares, e que ten a suficente calidez coma para que os pés nos leven a el.

As Mariñas faise co torneo Falamos

Desde a biblioteca queremos darlle a noraboa a Cristina, Samuel, Sergio e Sonia que, xunto coa capitá Dores, trouxeron para o noso instituto dous importantes premios nesta competición de debate 2010:

1º Premio: equipo vencedor do torneo, dotado cunha viaxe de 5 días a Lisboa.

Ademais Sonia Martínez Rilo obtivo o 2º premio á mellor oradora (mp4 e un lote de libros de Biblos)

Que non os recoñecedes? Clicade na foto e veredes as súas caras e os seus nomes.
O equipo prometeunos unha crónica detallada para estes días. Esperamos por ela.