viernes, 21 de diciembre de 2012

Na biblioteca un agasallo para ti

O Nadal do 2010 foi a primeira vez e tivo moito éxito, tanto que ao seguinte ano decidimos repetir. E como non podía ser doutro xeito tamén estes días de Nadal de 2011 enchemos a entrada da biblioteca con agasallos de lectura para  alumnos, profes e familias.

Adrián preparado para repartir lecturas


191 regalos!

Boas Festas!
Boas lecturas!

miércoles, 19 de diciembre de 2012

Lecturas de Nadal

Aquí tedes unha pequena guía de lecturas para estas festas. Botádelle unha ollada e elexide aqueles libros que vos gustaría ter como agasallo ou que queredes que se merquen para a biblioteca. 


lunes, 17 de diciembre de 2012

As Mariñas solidarias

Por iniciativa do alumnado de 2º curso do ciclo de Administración e Finanzas fíxose no Instituto unha recollida de alimentos e xoguetes con destino á Cruz Vermella de Betanzos.

En total recolléronse 256 kilos de produtos non perecedeiros. 

Todo un éxito de colaboración e solidariedade da comunidade educativa do Centro!



"A caridade é humillante porque se exerce verticalmente e desde arriba; a solidariedade é horizontal e implica respecto mutuo."

Eduardo Galeano

jueves, 13 de diciembre de 2012

Iván e Sergio van ao cine


-Sabedes quen foron  os gañadores do concurso Cine e Literatura?

-Pois... Iván e Sergio.

- E que tiñan de premio?

- Dúas entradas para o cine con dereito a palomitas, bebidas e golosinas.

- Para que película?

- Poden elixir a que queiran. Teñen todo o curso para decidir a película que máis lles apeteza.


Disfrutade do premio!

martes, 20 de noviembre de 2012

Concurso cine e literatura

Exposición libros e películas

Bases: 

Poderá participar todo o alumnado do centro, ben de forma individual ou por parellas.

O prazo do concurso será desde o día 19 de novembro ata o día 30.

No momento da inscrición, recollerase unha ficha onde irán escribindo as respostas das preguntas.

As preguntas, unha cada día, iranse poñendo no taboleiro exterior da biblioteca.

O día 30 será o prazo final para a entrega da ficha de respostas.

Haberá un premio para a ficha que teña todas as respostas correctas. En caso de haber varias farase un sorteo.  

jueves, 25 de octubre de 2012

A xogar!

Hai tempo para todo, tamén para os xogos. Por iso a biblioteca pon á vosa disposición desta volta:




Este é o primeiro dunha serie de xogos educativos de mesa dos que a biblioteca disporá para que os poidades disfrutar en familia ou cos amigos aquí no instituto nas horas de recreo.
A duración do préstamo será de 15 días e queremos facear fincapé en que antes de devolvelos deberán estar en perfecto estado para que todos poidamos disfrutar deles.

Coidádeos. Son de todos!!!

miércoles, 24 de octubre de 2012

Concurso de cabazas


Ánimo, participa e non deixes pasar a ocasión!

miércoles, 10 de octubre de 2012

Biblioteca escolar, acelerador de innovación


As bibliotecas escolares galegas viviron importantes transformacións nos últimos anos, grazas ao esforzo conxunto de comunidades educativas e administración, nunha tarefa que ten como finalidade ofrecer máis e mellores instrumentos ao alumnado para a súa formación académica e persoal. Estas transformacións non foron só físicas (moito profesorado afirma que a biblioteca é o espazo máis fermoso do seu centro); o cambio máis importante é o que se produce no centro educativo cando a biblioteca se activa, porque arredor das súas propostas e dos seus recursos, da actividade que xenera e os apoios que presta, botan a andar (ou cobran forza, asentándose) dinámicas de traballo diferente, prácticas pedagóxicas máis activas, propostas máis colaborativas, proxectos ilusionantes que axudan a construír coñecemento e a construír comunidade tamén. As bibliotecas, ao renovarse e activarse, confírmanse como aceleradores de innovación, de innovación educativa.

Asesoría de Bibliotecas escolares de Galicia

miércoles, 3 de octubre de 2012

Lecturas e películas para o mes de outubro




Na entrada da biblioteca podedes atopar unha selección de libros e películas centradas en  temas dos días especiais deste mes de outubro. 

Títulos como Sang Woo y su abuela, Enrugas, Memorias dun raposo, De camino a la escuela, La milla verde, Deep Blue, Ser y tener, O vello e o mar, Diarios de la calle, Animales al límite e moitos máis, sensibilizarannos nas persoas de idade, os animais, os alimentos, ou a loita contra a violencia, a pena de morte e a pobreza. 

domingo, 30 de septiembre de 2012

De novo, abrimos as portas


Este curso e, grazas á colaboración de Nuria, alumna do Bacharelato Artístico do IES Adormideras, a entrada da nosa biblioteca está cambiada. Que as súas formas e as súas cores vos animen a entrar e disfrutar do que hai disposto para todos.

jueves, 28 de junio de 2012

Vémonos en setembro


A biblioteca deséxavos unhas boas vacacións non sen antes facervos partícipes do nivel de préstamos conseguido este curso que demostra, unha vez máis, que somos uns grandes lectores.

Gozade dos libros elixidos para este verán e sobre todo,pasalo o mellor posible para vir coas pilas postas para o próximo curso.

                         

miércoles, 20 de junio de 2012

Propostas para o verán

A piques de rematar o curso o alumnado de 2º da ESO non quere despedirse sen facer unhas recomendacións de lectura.




O diario vermello de Carlota de Gemma Lienas


Recomendamos este libro porque é moi interesante e axuda a saber a sexualidade de cada un. Carlota, a medida que pasa o tempo, averigua máis sobre este curioso tema. Fáiselle unha experiencia divertida. Usa os seus propios coñecementos e experiencias para completar o diario. Tamén se informa a través de diferentes medios, para acabar construíndo un manual.
Adrián e Sonia.

O diario violeta de Carlota de Gemma Lienas



Recomendo que este libro se lea que vos vai gustar. É un libro no que conta Carlota sa historias do machismo e a violencia de xénero, que os homes poden pegar as mulleres. A min este libro gustoume moito. É un libro con medo e misterio. Se o home pega a muller, a muller chama a policía e o home vai para o cárcere.

Alba García Castrillón 



Memorias dun neno labrego de Xosé Neira Vilas


Recomendámolo porque é moi interesante. Narra as historias dun neno labrego, moi pobre. Cada capítulo conta unha historia do rapaz dende o seu punto de vista. El narra as súas propias fazañas nun diario que, máis tarde, sería publicado por un amigo seu. Ten un final moi inesperado.
Dani Blanco, Mario, Sara, Dani Costa, Alfredo, Fran, Eva, Santi, Cris, Ana, Marta Valiño, Laura, Óscar

domingo, 17 de junio de 2012

Sobrevivir entre libros

Na Nova Colón, unha das librarías que visitou o club de lectura na súa excursión á Coruña, unha muller le durante 36 horas seguidas no escaparate:

sábado, 26 de mayo de 2012

Xogando coas palabras

O derradeiro venres Mª Inés Cuadrado fíxonos pasar unha hora moi entretida ensinándonos a recitar poesías. Participou neste taller o alumnado dos clubes de lectura de 2º e 3º da ESO. Os rapaces aprenderon a poñerse diante dun auditorio e "dar vida" á poesía.
Unha vez superada a vergoña e esas risas nerviosas que provoca o medo escénico, Adrián, Paula e Aroa leron os poemas que eles mesmos elexiron: "Como tú" de León Felipe, "Hagamos un trato" de Mario Benedetti e "Muerte en el olvido" de Ángel González.


jueves, 17 de mayo de 2012

Letras galegas 2012

Home comprometido e polifacético das nosas letras que destacou con só en poesía e ensaio, senón tamén no xornalismo e no mundo da avogacía.

Emprendedor no mundo da industria e da economía galega e traballador infatigable ata a fin da súa vida

Valentín Paz Andrade

miércoles, 16 de mayo de 2012

Valentín Paz Andrade

Coma cursos anteriores os equipos de  Dinamización Lingüística do IES de Catabois e As Mariñas xuntáronse para facer esta guía e achegarmos a Valentín Paz Andrade, o conmemorado este ano no Día das Letras Galegas.

martes, 15 de mayo de 2012

Emilia, profe de Historia, fixo este encrucillado para que probes os teus coñecementos de Italia. Serás quen de facelo?



E

jueves, 10 de mayo de 2012

El oro de los carlistas

José Manuel Rey Díaz, profe de Historia, fainos chegar unha recomendación dunha novela histórica, El oro de los carlistas de Juan Bas.

El autor nos cuenta la apasionante aventura de Nicolás, un joven liberal vasco, que se embarcará junto con su padre y un destacamento de élite, compuesto por los más peculiares, aguerridos y eficaces soldados del ejército isabelino, guiados por un cura loco, en la busca de un tesoro que los carlistas guardan celosamente con el fin de comprar armas.
Esta trepidante aventura, que bien pudo ser cierta en todo o en parte, nos introduce de un modo ágil en nuestra primera guerra civil del s. XIX (1833-39/40) que enfrentó a liberales y absolutistas (carlistas) causando un número importante de víctimas.
El relato viene introducido brevemente por un reseña del contexto histórico y, si bien la acción principal se sitúa en la I guerra carlista, no es más que un recuerdo que Nicolás nos cuenta desde el sitio de Bilbao en 1874 (III guerra carlista), lo que da pie a comparar ambos periodos.

martes, 8 de mayo de 2012

E o premio foi para...

O derradeiro venres rematou o prazo para presentar as respostas ao concurso de "Pasaparola" e hoxe a man inocente de Adrián  descubriu o gañador do premio.
A casualidade quixo que a única papeleta que tiña varios autores fose a elexida: así Fran, Dani e Alfredo, alumnos de 2º da ESO, repartíronse a cesta italiana.

Noraboa a todos, non só aos premiados senón tamén a todos os que participaron coa súa investigación na busca das respostas.
Ata a próxima viaxe!




lunes, 7 de mayo de 2012

A carta de Zacarías aos "olímpicos"

Noraboa a ti, Marta, polo excelente resultado obtido, pese á falta de tempo: cuarto lugar. Excelente.

Noraboa aos dous polo fenomenal traballo e empeño que puxestes.
E a ti, Alfredo, lamentar esa mala sorte cos erros e a falta de tempo, pero animarte a seguir traballando con esa boísima actitude e capacidade de análise crítico.
É un tremendo orgullo ser o voso profesor.
Saúdos e parabens tamén aos vosos pais, que teñen que estar moi satisfeitos da vosa traxectoria escolar.

Fernando Zacarías, profesor de Matemáticas.


jueves, 3 de mayo de 2012

Olimpiada matemática e feira matemática 2012

Despois de rematar a fase de centro, no que o alumnado de 2º ESO traballou en varias sesións a resolución de problemas e elixiu ás dúas persoas que representarían ao grupo e ao Centro na Olimpiada do 2012 para este nivel, Alfredo Crespo Otero e Marta Esther Varela Rodíguez defenderon con enerxía e traballando ata o final, a participación deste ano.
Había moitos participantes nesta fase de zona (máis de 70) de diversos centros, sendo de dous o número máximo permitido, por cada grupo de ESO.
Nuns días saberase, que participantes pasan á final de toda Galicia, que este ano se celebrará en Vigo.
Sexa cal sexa o resultado felicitámonos por ter participado neste evento e felicitamos ao grupo de segundo de ESO polo traballo realizado e a Marta e Alfredo polas ganas e empeño que puxeron no seu traballo.
Por outro lado o vindeiro sábado 12 de maio, terá lugar a VI Feira matemática en Palexco (A Coruña) e na que o nos Centro vai volver participar como en edicións anteriores.
Tódalas persoas que queiran visitala poden facelo en horario de 11 a 19 horas.

lunes, 23 de abril de 2012

Moito para escoller

Lembrade que hoxe é o Día do Libro. Que mellor xeito de celebralo que collendo en  préstamo un dos que hai expostos na entrada da biblio:  


 

viernes, 20 de abril de 2012

Pasaparola

Que non sabes o que é? Que tes dúbidas de como participar? Que descoñeces as bases do concurso?



A biblioteca poncho doado:


Pode participar todo o alumnado do centro.



O concurso consiste en cubrir o folleto coas respostas correctas e os datos persoais, e despois deposítalo na urna que haberá na biblioteca.



Para a busca das respostas pódese consultar os libros, películas, cds e ordenadores da biblioteca.



O prazo para entrega das solucións acabará o día 4 de maio ás 11,30 da mañá.



O premio consistirá nunha cesta con produtos italianos e libro, película e música relacionada co país.


Se houbese máis dun folleto con todas as respostas acertadas sortearíase o premio entre os acertantes.


Así que xa sabes: pásate pola biblioteca, pregunta, colle o folleto, consulta e investiga as respostas e deixa as solucións na urna.



Moita sorte!


jueves, 19 de abril de 2012

Un viaggo per L' Italia

A biblioteca proponche unha magnífica viaxe por Italia da que poderás gozar sen moverte da túa butaca.

Só tes que coller en préstamo algún dos libros, películas, revistas ou cds de música e achegarte ás súas paixases, as súas xentes, os seus sóns, as súas historias, as súas orixes, aos seus personaxes máis famosos… Todo isto poderalo descubrir na nosa guía de lectura.









martes, 27 de marzo de 2012

Non hai noite tan longa

É un libro que utiliza moi ben o movemento no tempo, utilizando flashbacks para viaxar entre 1969 e 2002, que son os anos nos que se desenvolve a acción. Estes saltos temporais están utilizados dumha forma clara e fácil de entender. Utilízanse para explicar algún acontecemento no presente que ocorre así porque no pasado ocorreu dunha forma determinada.



A historia comeza coa morte da nai do protagonista e coa súa volta a Monteverde, lugar ao que prometera non volver. A historia é realista ata o momento no que “ve” ao seu pai sentado na sala da casa que pertencera a súa nai durante os últimos anos. A partir dese momento de fantasía, o protagonista móvese polo desexo de seu pai de vingalo, por un delito que cumpriu e do que era inocente.



Un libro de misterio no que o protagonista vai desenvolvendo o fío dunha forma peculiar, buscando e falando con cada personaxe que o achegan ao seguinte, que se atopa máis preto do culpable.
Aínda que o título e a trama dan a entender que é unha historia aburrida e custosa de ler, o libro chega a ser moi atraínte e sinxelo de ler e comprender.
En resumo, é un libro moi interesante e misterioso ata o final en que se descobre ao culpable e o ocorrido aquel fatídico día.





Jonathan Mesías Rey-1º BAC TEC



Esta obra pareceume moi monótona e lenta, polo menos as dúas primeiras partes, pois non narraba nada que despertase o meu interese pola historia. Foi no final da segunda parte cando, ao meu parecer, acelerou o ritmo da historia e todo sucedía con maior fluidez.
A pesar de que o final si me agradou porque foi sorprendente e, ao rematar en suspense, deixoume coa intriga de se finalmente os xornais publicarían a tráxica historia que por fin tiña final, esta obra non a poñería entre as miñas favoritas, aínda que penso que se esta historia fose contada doutro xeito poderíame “enganchar” a ela, pero foi o ritmo monótono o que quitou todo o encanto.




Laura Centoira Yáñez-1º BAC TEC




Grazas a Jonathan e Laura polas súas aportacións.

viernes, 9 de marzo de 2012

Óscars na biblioteca

Nestes días e coindindo coa entrega dos premios cinematográficos, a exposición da biblioteca vai de cine.


Pero de cine do bo, de aquelas películas que no seu momento recibiron un ou máis Óscars nas categorías de mellor dirección, película, actor, actriz, vestiario, banda sonora, guión... E non podían faltar, por suposto, os libros sobre cine e aqueles nos que se basearon algunhas das pelis.




Tedes un montón para elixir.




Deixádevos acompañar polo cine.

sábado, 3 de marzo de 2012

Estes son os protagonistas



Tres deles enfrotaranse á derradeira proba en tan só 15 días. Ánimo!

miércoles, 29 de febrero de 2012

Novos talentos



O IES “As Mariñas” participa na 4ª edición do Concurso NOVOS TALENTOS organizado por Coca-Cola.
Seis alumnos e alumas de 2º da ESO foron finalistas nunha primeira fase: Daniel Costa, Alfredo Crespo, Kelly Estramil, Adrián Popescu, Noelia Roel e Marta Varela.
Tras longas deliberacións do xurado, composto polo departamento de lingua galega e literatura e mais a colaboración especial de Xulio Loureiro, saíron elixidos tres representantes para participar na fase seguinte. Son Adrián Popescu, Noelia Roel e Alfredo Crespo. Parabéns!



O 16 de marzo medirán os seus talentos con representantes de toda Galicia, no “Liceo La Paz” da Coruña.




O premio é unha viaxe que pode ser a calquera parte do mundo. Anúnciase no último momento, así que... sorpresa!




O tempo para elaborar a redacción será de dúas horas e o tema, escollido para a ocasión, anunciarase nese momento.




Os nosos concursantes terán sesións de "adestramento".




Noraboa e sorte!

sábado, 25 de febrero de 2012

En febreiro...




Os alumnos de electricidade, axudados polos seus profes, sustituiron as lámpadas vellas da biblioteca por unhas novas que se compraron co diñeiro recibido para mobiliario. Unha vez terminado o seu traballo, foron outros profes os que entraron a pintar o teito. Podedes ver o resultado nas imaxes. Grazas a todos pola labor realizada, e moi en especial para os alumnos que desinteresadamente interviñeron nesta mellora.
E chegou San Valentín co seu saco de poemas de amor... e un grupo de alumnas de 2º da ESO fixeron de carteiras repartindo as postais aos seus destinatarios.



E non podía faltar unha exposición de libros e películas de amor.
O Entroido trouxo novas cores ao instituto. Todo o centro participou activamente na celebración, incluso as CDUs sairon da biblioteca para darse a coñecer mellor. A fin de festa marcouna unha degustación de doces típicos e un desfile de disfraces no salón de actos.







viernes, 10 de febrero de 2012

Somos finalistas!




Las tres Gracias (Laura, Lucía e Sofía), As Nereidas (Sonia e Cecilia) e Artemis e Atenea (Paula e Yamila) son os nomes dos equipos que acaban de quedar finalistas do concurso Odisea 2012 organizado pola Sociedade de Estudos Clásicos de Galicia.


O concurso consiste en responder durante catro días a unha batería de preguntas que nesta edición estaban relacionadas con "As viaxes no mundo clásico".


Agora temos que esperar ao desempate que será o vindeiro día 15.

A nosa noraboa para todos os alumnos de 1º e 2º de Bacharelato de Humanidades por participar nesta actividade, en especial para Os Olímpicos (Diego e Jacobo) porque moralmente eles tamén foron finalistas.



domingo, 22 de enero de 2012

Historia

Curiosidades, anécdotas, imaxes, guerras, acontecementos, novela histórica, biografías, banda deseñada, cine...





miércoles, 18 de enero de 2012

A primeira recomendación do ano



A Carla Calviño Lagares, alumna de 2º da ESO, gustoulle moito o libro de Fernando Savater, Ética para Amador, como poderedes comprobar polo que escribe sobre el:



Esta es una de las primeras veces que escojo un libro y me interesa, normalmente no habría elegido un libro tan "difícil" de entender, con tantas páginas, capítulos y, por si fuese poco, del instituto... pero cada vez que iba leyendo me "enganchaba" más hasta que lo acabé de leer. Se trata de un libro de ética en el que un padre ayuda, da consejos y respuestas sobre la vida a su hijo, aunque también introduce varias historias que pueden ayudar a comprender mejor una situación: un ejemplo es el del libro Génesis que cuenta la historia de dos hermanos y trata de explicarnos qué significa hacer lo que a uno le da la gana. Este tema ha sido el que mejor he entendido, ya que nos lo había explicado la profesora de Educación para la ciudadanía, aunque pienso que está mejor dicho llamarlo filosofía.


Este libro puede que también ayude a recapacitar o a reflexionar, a que no pensemos en que todo es blanco o negro. Muchas veces actuamos sin pensar en las consecuencias que nos pueden traer, o no pensamos en el daño que le estamos haciendo a alguien, incluso a nosotros mismos. También es mejor vivir alegres que vivir muchos años de mala manera.

Related Posts with Thumbnails