Parellas na biblioteca

Chegou  febreiro e , case da man, apareceron o Antroido e San Valentín.

Este ano deixamos de lado os clásicos poemas de amor e organizamos un concurso. 

Había que formar parellas, todas elas famosas, unhas máis coñecidas ca outras. Tiñamos pintores, músicos, actores, científicos, escritores, personaxes da mitoloxía e ata dúas parellas de alumnos. Pero tanto os nomes como a información estaban todos revoltos e precisabamos poñer orde. Os valentes participantes puxeron todo o seu empeño e paciencia en facer as unións e contestar as preguntas sobre os protagonistas. Non era fácil.

As finalistas foron Alba Botana, Alba Blanco e Rocío Espiñeira, todas de 2º de ESO. E a sorte decantouse a favor de Rocío, que ten de premio dúas entradas de cine con chuches e palomitas.

NORABOA!!!!!

E grazas a todos por participar!

San Valentín 2013

Os alumos de PDC 4º estiveron estes días escribindo cartas de amor. Aquí vos deixamos unha delas:

Querida Lúa:

Escríboche estas letras neste día tan especial porque dende que nos coñecimos aquel día, un 29 de febreiro, namoreime de ti. Tes uns ollos azuis preciosos e un cabelo louro e ondulado que me gustou moito dende o primeiro día.

Gustaríame que quedásemos un día para ir ao cine, por exemplo, ou dar unha volta pola Coruña.

O motivo de que non che regale nada neste día é porque non me chegan os cartos, xa que estamos en crise e non hai traballo.

Encántame o teu sorriso e, cando leas isto, vaiche saír.

Teño que recoñecer que cada vez que se nos cruzan as miradas póñome nervioso e, cando te acercas, o corazón vaime a mil por hora.

Nunca sentira algo tan especial por unha rapaza ata que chegaches ti.

Como xa sabes, non me gusta moito bailar, pero aquel sábado na Iris, cando estivemos bailando agarrados, foi moi especial, foi como se se parase o tempo, como se tivésemos a pista para nós sos.

Non sei como o consegues, pero sempre que quedamos, consegues sacarme un sorriso e fas que me olvide de todo.

Con estas palabras saídas do meu corazón, agardo por unha resposta que presinto que non me vai tardar en chegar.

Quérete moito.

Sol

En febreiro...

Os alumnos de electricidade, axudados polos seus profes, sustituiron as lámpadas vellas da biblioteca por unhas novas que se compraron co diñeiro recibido para mobiliario. Unha vez terminado o seu traballo, foron outros profes os que entraron a pintar o teito. Podedes ver o resultado nas imaxes. Grazas a todos pola labor realizada, e moi en especial para os alumnos que desinteresadamente interviñeron nesta mellora.
E chegou San Valentín co seu saco de poemas de amor... e un grupo de alumnas de 2º da ESO fixeron de carteiras repartindo as postais aos seus destinatarios.

E non podía faltar unha exposición de libros e películas de amor.

O Entroido trouxo novas cores ao instituto. Todo o centro participou activamente na celebración, incluso as CDUs sairon da biblioteca para darse a coñecer mellor. A fin de festa marcouna unha degustación de doces típicos e un desfile de disfraces no salón de actos.

Amor matemático

Cristina Blanco, alumna amante das matemáticas, cóntanos unha fermosa historia de amor:

En la antigua Grecia no les estaba permitido a las mujeres participar en la ciencia. Pero el gran maestro Pitágoras sí que aceptaba a mujeres en su escuela. Entre ellas había una joven muy hermosa, llamada Teano; esta tenía un gran talento matemático en el que se fijó Pitágoras, e hizo que se enamorara de ella.

Aunque la diferencia de edad era notable, se querían mucho y juntos viajaban por el mundo de las matemáticas. A la muerte de Pitágoras, Teano redactó una biografía y todos los descubrimientos matemáticos que había hecho, pero estos documentos se perdieron en el incendio de la biblioteca de Alejandría.

Teano siguió con la escuela pitagórica, hablándole a todo el mundo de Pitágoras.

As frechas de Cupido nas Mariñas

O amor, ese sentimento tan nobre, que tanto nos alegra como nos fai sufrir, xa está visible no IES As Mariñas:

nos LIBROS

no CINEMA

ou

na MÚSICA

As follas do calendario marcan unha data e o amor débenos acompañar sempre, tamén o 14 de febreiro.

Agora ímonos a Rusia

Con O neno do pixama de raias teriamos que facernos a mesma pregunta que no seu día nos fixemos coa saga Crepúsculo: hai alguén no instituto que aínda non o lese?

E é que John Boyne conseguiu, con esta novela, que moitos adolescentes se achegasen e opinasen sobre un feito histórico como o nazismo a través dun libro que, ademais, entusiasmoulles.

Agora, Boyne, repite a xogada con La casa del propósito especial, unha obra que se adentra na revolución bolxevique e na execución da familia Romanov.

O protagonista, Georgie Danilovich, conta a súa vida desde que, cando con dezaseis anos, abandona a súa pequena aldea para formar parte da garda persoal de Alexis Romanov, o único fillo varón do zar Nicolás II; ata que, na súa vellez, está ao coidado da súa muller, Zoya, enferma nun hospital de Londres.

Pero Georgie e Zoya gardan un segredo, un segredo que non están dispostos a revelar.

Para saber máis: Anastasia Románova, Rasputín e Palacio de Inverno.

Un Entroido de corazón

Aquí tedes imaxes do noso

Entroido namoreiro

Entroido 2010

Ver presentaciones más o Cargar el suyo propio.

Unha historia de amor

Atopámolo no blogue Milladoiro. Encantounos e dixémonos... que mellor que este corto ruso, premiado nos Oscar 2009, para ilustrar estes días tan namoradeiros?
Dito e feito. Aquí o tedes:

E... nestas chegou Cupido

Amor polos libros

Para @s amantes dos libros?

Para @s que buscan lecturas de amor?

Para uns e para outras

Esta guía é para tod@s