Emilia, profe de Historia, fixo este encrucillado para que probes os teus coñecementos de Italia. Serás quen de facelo?

E

E o premio foi para...

O derradeiro venres rematou o prazo para presentar as respostas ao concurso de "Pasaparola" e hoxe a man inocente de Adrián  descubriu o gañador do premio.

A casualidade quixo que a única papeleta que tiña varios autores fose a elexida: así Fran, Dani e Alfredo, alumnos de 2º da ESO, repartíronse a cesta italiana.

Noraboa a todos, non só aos premiados senón tamén a todos os que participaron coa súa investigación na busca das respostas.

Ata a próxima viaxe!

Moito para escoller

Lembrade que hoxe é o Día do Libro. Que mellor xeito de celebralo que collendo en  préstamo un dos que hai expostos na entrada da biblio:  

 

Pasaparola

Que non sabes o que é? Que tes dúbidas de como participar? Que descoñeces as bases do concurso?

A biblioteca poncho doado:

Pode participar todo o alumnado do centro.

O concurso consiste en cubrir o folleto coas respostas correctas e os datos persoais, e despois deposítalo na urna que haberá na biblioteca.

Para a busca das respostas pódese consultar os libros, películas, cds e ordenadores da biblioteca.

O prazo para entrega das solucións acabará o día 4 de maio ás 11,30 da mañá.

O premio consistirá nunha cesta con produtos italianos e libro, película e música relacionada co país.

Se houbese máis dun folleto con todas as respostas acertadas sortearíase o premio entre os acertantes.

Así que xa sabes: pásate pola biblioteca, pregunta, colle o folleto, consulta e investiga as respostas e deixa as solucións na urna.

Moita sorte!

Un viaggo per L' Italia

A biblioteca proponche unha magnífica viaxe por Italia da que poderás gozar sen moverte da túa butaca.

Só tes que coller en préstamo algún dos libros, películas, revistas ou cds de música e achegarte ás súas paixases, as súas xentes, os seus sóns, as súas historias, as súas orixes, aos seus personaxes máis famosos… Todo isto poderalo descubrir na nosa guía de lectura.

Comezamos!

Que mellor comezo que unha visita á Biblioteca Central dunha cidade europea?

E que cidade?

Iso terédelo que adiviñar vos... e por iso darémosvos unhas pequenas pistas:

1ª.- Está no país do autor do libro "La cena"


2ª.- É a cidade do pintor do cadro "Lección de anatomía"


3ª.- Nesta cidade viviu unha rapaza que escribiu un diario moi famoso

Xa temos a buxaina!

Esta fin de semana fomos a Madrid a recoller a "peonza de bronce" que nos foi concedida nos IV Premios Edublogs na categoría de Bibliotecas Escolares.

Acompañáronnos Andrea e Cristina, alumnas de 1º de bacharelato, como representantes desa parte do alumnado que colabora neste blogue. O premio é, como non podía ser menos, para tod@s el@s tamén.

A viaxe non puido comezar mellor: aloxámonos no Barrio das Letras! Xusto ao carón da casa de Cervantes e a poucos metros da de Lope de Vega!

O sábado pola mañá acudimos á entrega de premios que foi moi emotiva. Gozamos con Alfonso Alcántara que nos demostrou que "Los blogs son unos maleducados", puxémoslle cara ás compañeiras bibliotecarias premiadas (Mireu que fem a la nostra biblioteca, Ars Legendi e A Biblioteca do Colmeiro) e recollemos a nosa buxaina.

Pola tarde visitamos a Feira do Libro de Madrid que cumpría 69 anos. A de escritoras e escritores coñecidos que alí vimos! : Camilla Lëckberg, Claudia Gray, Antonio Muñoz Molina, Javier Reverte, Eduardo Mendoza, Almudena Grandes, Asa Larsson, Julia Navarro ...

O domingo foi día de comtemplación: achegámonos ao Museo Reina Sofía para ver o Guernica; en CaixaForum impresionounos a exposición de Fotopress 09 e maravillounos a de Miquel Barceló. Aproveitamos tamén para achegarnos á Estación de Atocha e visitar a homenaxe ás vítimas do 11 M.

Ademais diso paseamos, comimos, rimos moito, pasamos moita calor e gozamos non só do premio senón tamén de Madrid. Se tedes dúbidas, preguntádelle a Andrea e a Cristina, de seguro que vos animan a que colaboredes neste blogue: ten premio!

Le e viaxa

Como o Plan Lector deste trimestre vai de Viaxes e Expedicións, a biblioteca preparou unha mostra de libros cos que podemos percorrer o mundo.

Elixide destino, facede as maletas e vide polas vosas pasaxes:

Grazas a Elena e a Nuria, profesoras de plástica, pola súa colaboración.

El mundo sobre ruedas

"Quiero contaros una historia. Es la historia de un niño que nació el 18 de julio de 1990 en Barcelona. Con el paso de los años sufrí algunos contratiempos. Uno de los que más se esforzaron para ganarse un sitio en el hall de la fama fue, seguramente, la leucemia que tuve a los cinco años y que me dejó en silla de ruedas a los ocho. Un buen día descubrí que tenía catorce años y ya no podía aguantar más las ganas de viajar, y tuve la suerte de tener unos padres que no intentaron encerrarme en un manicomio por el hecho de plantearles la idea de viajar a los catorce años.

Ya he estado en más de 25 países, entre ellos, Francia, Alemania, Bélgica, Holanda, Dinamarca, Grecia, Gran Bretaña, Italia, Bosnia, Serbia, Croacia, Hungría, Rumanía, Tailandia, Malasia, Singapur, Japón, Argentina, Chile, Bolivia, Perú, Ecuador, Colombia, Panamá,... No obstante, lo que más suele sorprender a la gente no es que haya viajado a tantos lugares, sino la forma en la que me gusta hacerlo: totalmente solo. Ni familia, ni amigos, ni nada, sólo yo, mi silla de ruedas y mi mochila... y en el peor de los casos solamente gasto unos tres euros diarios, que es todo lo que me hace falta para comer. Lo mejor será explicaros la historia desde un principio."

Hoxe, Día da Discapacidade, pode ser un bo momento para comezar a viaxar con Albert Casals en "El mundo sobre ruedas"

Outras lecturas e películas coas que poderás achegarte a discapacidade