Encontro en Pontedeume

Lemos a seguinte crónica no blog do IES de Mugardos na que se fala de nós:

Este martes o noso club de lectura Pata Sana tiña unha cita importante en Pontedeume. Quedamos cos colegas do IES As Mariñas de Betanzos para vivirmos unha xornada de convivencia e amizade. Pola mañá realizamos unha pequena actividade de orientación polas rúas do casco vello á busca de información, e pola tarde aínda nos quedou tempo para xogar na praia de Cabanas.

Á espera dos vosos comentarios, tiramos xa unha conclusión: para o vindeiro ano repetimos. Apuntádevos ao club de lectura.

Da lectura

Esta vez non é unha novela. Sándor Márai sorpréndenos cunha serie de reflexións e consellos sobre diversos aspectos da vida humana: da xustiza, da tentación, da música, da fortuna, da imaxinación, do poder da alma...

Isto é o que nos di sobre a lectura:

Cando leas, le intensamente. Máis incluso: intenta ler con maior intensidade da que o propio autor puxo na súa obra. Le con entrega, paixón e atención, implacablemente. Se cadra, o autor utiliza demasiadas palabras, mais ti le só as xustas. Se parco en palabras cando leas. Concéntrate en cada verba, unha tras outra, para adiante e para atrás, escoitando atentamente o libro, seguindo as pegadas que te conducen á súa parte máis profunda. Préstalles atención aos sinais secretos que o propio autor non percibiu e deixou escapar conforme avanzaba na inmensidade da súa obra. Non leas xamais con desprezo, coma quen non quere a cousa, coma aquel a quen convidan a un banquete de deuses e coa punta do garfo petisca na comida sen entusiasmo. Le con elegancia e sobriedade. Le coma se estiveses no patíbulo e o libro que tes nas túas mans fose o último que che levou á túa cela o carceleiro. Le coma se fose unha cuestión de vida o morte, porque a lectura é o mellor regalo do ser humano. Ten en conta que de todos os seres vivos, o ser humano é o único que le.

Que hai de novo?

Son Lois Pereiro: "Luisiño", "Luchi" ou "Loisón"

Iolanda e Dores, responsables do Equipo de Dinamización Lingüística dos IES de Catabois e As Mariñas respectivamente, xuntáronse un ano máis para elaborar unha guía de lectura coa que darnos a coñecer ao homenaxeado este ano no Día das Letras Galegas: Lois Pereiro.

Se queredes acceder a este traballo que nos achega a vida e obra do escritor, só tedes que clicar aquí ou na imaxe.

Letras galegas 2011: Lois Pereiro

Paula e o lobishome

O martes 10, tivemos o pracer de disfrutar da presenza de Paula Carballeira, muller polifacética dentro do panorama cultural galego.

Nesta ocasión e, aproveitando que o alumnado de 4º ESO leu o seu libro O lobishome de Candeán, ven contarnos contos e falar da obra e tamén das súas experiencias personais. Na charla participaron activamente @s alumn@s.

Grazas Paula, por esa xornada entrañable.

El pentateuco de Isaac

Isaac Jacob Blumenfeld, protagonista e narrador desta novela, cóntanos, seguindo o curso da súa vida, gran parte da historia centroeuropea do século XX. Debido á súa situación xeográfica e ás vicisitudes históricas, o seu pobo natal vai pasando dun estado a outro ata pertencer a cinco diferentes. Relátanos, xa nun plano máis persoal, a súa participación nas dúas guerras mundiais, describíndonos ademais a súa familia e a súa vida no pobo.

É importante o comentario humorístico en todo o libro. O narrador ri de si mesmo e, sobre todo, do pobo xudeu. Isto fai a lectura moi entretida e as pasaxes tráxicas (que non son poucas) máis levadeiras. Porque non só encontramos bromas na novela, tamén conta con moitas reflexións sobre a situación política, a vida social, a condición humana....

Como exemplo:

Al final da igual quién triunfe porque la victoria será como una manta corta: si decides abrigarte los pies, queda al descubierto el pecho. Cuanto más dure la guerra, más corta se hará la manta y la victoria no llegará a calentar a nadie.

El pentateuco de Isaac forma xunto con Lejos de Toledo e Adiós Shangai a triloxía do autor búlgaro Angel Wagenstein sobre o destino dos xudeus europeos no século XX.

Encontros do Plan de mellora de bibliotecas escolares

Velaquí un vídeo resume dos Encontros do Plan de mellora de bibliotecas escolares 2010/2011, que tiveron lugar en Santiago de Compostela o pasados 7 e 8 de abril, coa asistencia dos responsables das 374 bibliotecas integradas no presente curso neste programa da Consellería de Educación. + información e acceso aos materiais AQUÍ (entrar como convidado).

(Bibliotecas escolares de Galicia)

E, por suposto, nós tamén estabamos alí!!!

Irène Némirovsky

Ne obliviscaris

Como te sentirías se, de súpeto, ninguén te recoñecera? Se os teus amigos, os teus profesores e a túa familia no se lembraran de ti?

E que pasaría se todos os rumores se convertiran en realidade? Se deixáramos de utilizar as palabras por medo ás consecuencias?

A este misterio téñense que enfrentar cinco estudantes internos nun colexio da illa de Bran, situada no mar do Norte.

Ne obliviscaris "non esquezas" vai ser o lema que utilicen para loitar contra as forzas da Lúa chea que provoca co seu resplandor esas transformacións.

Xuntos descubrirán que, a pesar das súas diferencias de carácter, a pesar das particularidades de cada un, a amizade lles dará o valor suficente para loitar contra o olvido.

Las hermanas Bunner

Dúas irmáns, Ann Eliza e Evelina, rexentan unha mercería no Nova York de finais do século XIX. A súa idade e as expectativas que nesa época se esperaba das mulleres, marcan a súa futura traxectoria que parece estar escrita de antemán. Mais un feito inesperado, o agasallo dun reloxo da irmá maior á pequena e o trato co reloxeiro, troca as súas vidas.

Edith Wharton, máis coñecida por escribir a "Idade da inocencia" que foi levada ao cine, sitúanos coas súas descripcións no ambiente desa época: percibimos o arrencedo do baixo onde viven as irmáns, escoitamos a campaíña da tenda cando alguén entra, recoñecemos aos persoaxes secundarios que aparecen no relato e sentimos a renuncia de Anna Eliza e a fustración das dúas irmáns.

A cociñar!!

A Miguel Otero Lista, alumno de PD3, gústalle moito cociñar e quere compartir con todos nós algúns dos seus trucos para que os pratos resulten máis saborosos. A súa primeira proposta é: Gambas al ajillo a la pimienta.

Ingredientes: -Medio kilo de gambas

-Un diente de ajo

-Pimienta negra

-Ajo molido

-Perejil molido y en rama

-Una guindilla

-Aceite

Elaboración: Pones una sartén al fuego, le echas aceite y pones en la sartén una guindilla partida por la mitad. La dejas 6 minutos y la sacas, después coges las gambas y las echas dentro de la sartén. Al cabo de 15 minutos le echas el perejil, remueves y le echas el ajo molido. Cuando estén doraditas, le echas pimienta negra.

Presentación: Coges un plato y pones las gambas en forma de cero. Coges el perejil de rama y lo pones al lado, haciendo como si fuera una rama. Después coges el ajo y lo pones en el centro.

Se, como Miguel, tes afección pola cociña ou queres aprender como se fai, na biblioteca tes moitos libros de cociña.

Campións, campións, oe, oe, oe !!!

Si, si, iso é o que son Jesús Manuel Fuentes Verdía e Mario Barreiro Iglesias, alumnos deste centro que, capitaneados polo profesor de automoción, Manuel Fuentes Rebón, conseguiron a medalla de ouro das Olimpíadas de Formación Profesional SpainSkills 2011 na categoría de Vehículo Industrial.

Noraboa e grazas por representar tan ben As Mariñas!!!

A casa da luz

O pasado domingo, no teatro Rosalía de Castro da Coruña, estreouse oficialmente a película " A casa da luz", baseada na novela do mesmo título de Xabier Docampo.

Como o propio autor do libro dixo en dita presentación: "O libro sempre é mellor cá película"; polo que vos recomendamos, primeiro, botarlle unha ollada ao libro e, despois, cando se estree de xeito comercial, ir ver a película.

O filme trata dunha historia de aventuras onde un grupo de rapaces pon de manifesto o valor da amizade e a forza da unión.

Para nós, ademais, ten un atractivo especial: boa parte dos exteriores están rodados en Betanzos, que, como non podía ser doutro xeito, sae precioso, e as tomas de interior están gravadas no pavillón do noso instituto. Así, podemos ver que nos créditos finais, un dos agradecementos é para o IES As Mariñas. Sentiredes, por tanto, que a película tamén é un pouco nosa.

As Mariñas co Bubisher

Como ben sabedes, na cafetería do instituto temos montado o "mercadillo solidario" coas aportacións que moitos de vós fixestes para colaborar co Bubisher, un proxecto que leva a lectura aos campamentos saharuís.

Esta é a nosa pequena achega a un gran proxecto:

Lejos de Toledo

O profesor Albert Cohen, experto bizantinólogo, regresa de Israel ao seu Plóvdiv natal para participar nun congreso.

Unha vez alí, irá rememorando a súa infancia nesta cidade búlgara, entretecendo os seus recordos co reencontro cos seus coñecidos que aínda viven.

Preséntasenos, entón, toda unha galería de personaxes entrañables e inolvidables: Abraham o Borrachón, o seu avó, a avoa Marzal (xudeus descendentes dos expulsados de Toledo en 1492 polos Reis Católicos), o fotógrafo Kostas Papadopoulos (que coa súa cámara participaba en todos os eventos importantes, públicos e privados), o músico Manush Aliev, o mestre Stóichev... e todos os habitantes do barrio do Cementerio do Medio onde convivían xudeus, musulmáns e ortodoxos.

Hai unha mestura de sentimentos que deixa unha sensación extraña no lector: a amargura ante a situación persoal dos personaxes únese ao humor con que se contan as historias da nenez. Pero sempre queda un pouso de tristeza polo "paraíso perdido".

Alex en el país de los números

Sabedes quen foi a primeira lectora desta novidade da biblioteca?

Efectivamente: Cristina Blanco, a nosa particular reporteira do mundo matemático.

En este libro Alex nos muestra el maravilloso mundo de las matemáticas, que no deja nunca de sorprendernos.

En un primer momento nos adentra en el aprendizaje de las mismas en los diferentes lugares del mundo, para luego remontarnos a la antigua Grecia con sus increíbles pensadores.

Luego, nos muestra desde la realidad matemática más inminente hasta la abstración más absorbente, recalcando que las matemáticas no fueron inventadas por el hombre, sino que este lo único que hizo fue descubrirlas, pues la naturaleza está escrita en lenguaje matemático, como afirmaba Pitágoras.

En conclusión, explica infinitud de cosas: el ábaco, pi, la proporción áurea, la distribución normal, el beneficio económico a partir de las matemáticas, el infinito, la magia de los números...

Debido a su nivel de comprensión, recomendaría este libro a partir de 4º de ESO en adelante. Y seguro que a los que les encantaría sería a los profesores de matemáticas.

Moitas grazas, Cristina.

Xenial!!!

Mirade que "lipdub" fixeron no instituto de A Fonsagrada para explicar o percorrido que fai un libro ata chegar ao seu sitio na biblioteca.

Animádevos a felicitalos!!!

Mercadillo solidario polo Bubisher

Bubisher é un proxecto que leva libros aos campamentos saharauís.

Faino a través dun autobús que percorre os distintos campamentos, aínda que nestes intres estase a construír unha biblioteca en Smara.

A biblioteca As Mariñas quere contribuír neste proxecto co mercadillo solidario que se celebrará durante a Semana Cultural no noso centro.

Por iso solicitamos a vosa colaboración.

Que podemos aportar?

Libros, Cds, Dvds, xogos, obxetos decorativos, bisutería… que estean en bo estado e sen deterioro.

Onde os entregamos?

Na biblioteca á hora do recreo.

Axudemos a que a lectura tamén chegue ao Sahara !!!

Clara dice

Clara dice contén os dous ingredientes básicos da novela negra: unha morte misteriosa e un inspector de policia que ten que resolver o caso.

Sen embargo, o principal atractivo do libro está no tema tan actual que presenta: o perigo do anonimato que ten internet.

Clara é unha rapaza de trece anos que descobre un novo amigo a través dun chat. Pouco a pouco os momentos diante do ordenador pasan a ser os máis importantes da súa vida, imaxinando unha personalidade detrás da pantalla que pouco ten que ver coa realidade e que a levarán a un tráxico final.

A novela de Carlos Roncero, inspirada en feitos reais, entretén; pero sobretodo alerta tanto aos pais como aos adolescentes do aspecto máis escuro que poden chegar a ter as redes sociais como forma de comunicación.

Neste mesmo blog: Pénsao antes de publicar

Tren a Pakistán

1947. Tras a independencia da coroa inglesa, o territorio indio queda dividido en dous paises: India e Pakistán.

Comunidades hindús, sijs e musulmanas, que ata entón conviviran pacificamente, vense envoltas nunha ondanada de violencia imparable.

Comenza o éxodo. Por propia vontade, para fuxir dunha morte segura, ou ben obrigados á forza, os musulmáns marchan para Pakistán e os sijs volven para a India. Dez millóns de persoas abandonan os seus fogares.

Pero, formando parte desas fuxidas, comeza tamén o tráfico de fantasmais trens cheos de cadáveres, que atravesan as fronteiras recén creadas.

Na aldea de Mano Majra a convivencia entre os habitantes era pacífica, independentemente da súa relixión. Pero as cousas non tardan en cambiar...

Esta novela, publicada en 1956, é un clásico da literatura india. Permítenos coñecer a complexidade dun país e dun conflito aínda latente.