Hipatia

La mecánica del corazón

Imagina la noche más fría de la historia. La nieve cae sobre la ciudad de Edimburgo. En lo alto de una colina nace el pequeño Jack, pero su corazón está dañado. Y por eso necesitará reemplazarlo por un reloj de madera, un corazón artificial del que dependerá su vida. Acompañemos a Jack en su aventura quijotesca desde las frías callejuelas escocesas hasta una radiante ciudad andaluza, en busca del amor.
Pero, ¡cuidado!, Jack debe seguir unas reglas para sobrevivir.

Uno: NO TOQUES LAS AGUJAS.

Dos: DOMINA TU CÓLERA.

Tres: NO TE ENAMORES NUNCA.

LA MECÁNICA DEL CORAZÓN DEPENDE DE ELLO.

Deseemos suerte a Jack, y recuerda que, como en este cuento para niños grandes, todos hemos sufrido alguna vez por nuestro voluble corazón.

La mecánica del corazón xa na nosa biblioteca !

As vidas de Galileo

Xa temos na biblioteca a tradución galega do cómic oficial do Ano Internacional da Astronomía. Amósanos un retrato de Galileo feito en seis épocas claves para a historia da Astronomía. Galileo protagoniza cada unha delas á vez que nos presenta os descubrimentos que cambiaron o mundo:

En Babilonia aprende a escribir con arxila e ler o ceo.
En Alexandría mide a Terra con Eratóstenes usando un pau.
A beiras do Ganges, Ariabhata explícalle que a Terra vira sobre si mesma.
En Venecia mira máis aló e descobre un universo revolucionario.
En Greenwich coñece a Newton e Halley e o "seu" cometa.
E no ano 2009? Galileo regresou! Animate a coñecelo!
Pero non vos impacientedes, mentres agardades ao luns para pedilo en préstamo podedes ir botandolle unha ollada:

Mirando ao ceo

No primeiro trimestre deste curso non só o alumnado deste centro vai estar na lúa senón que tamén o profesorado vai ver as estrelas.

Pero non, non nos interpretedes mal: nin os alumnos e alumnas deste instituto van despistarse nos seus estudos, nin os profes imos sufrir ningún percance.

O que ocorre é que o Plan Lector comeza a súa andaina, é para estes primeiros tres meses decidiuse que todos xuntos imos aprender un pouco, ou non tan pouco, de Astronomía.

Asi que non vos estrañedes se algún día nos vedes a tod@s mirando ao ceo: estamos aprendendo.

A partir do vindeiro venres o programa Stellarium estará instalado nos ordenadores da biblioteca así como unha páxina con enlaces sobre o Universo.

Ah! E non esquezades onde están os libros de Astronomía: no andel que ten a CDU 52.

Unha recomendación de lectura

La extraña desaparición de Esme Lennox é a historia dunha muller a quen lle tocou vivir nunha época que non era a súa; nunha época e nunha familia onde as apariencias tiñan máis importancia que a propia felicidade dos seus membros.
O libro lese como se dun puzzle se tratase: as pezas encaixan á perfección, pero só ao final vese o resultado.

Ante el inminente cierre del viejo hospital psiquiátrico de Cauldstone, en Edimburgo, las autoridades comunican a Iris que debe haerse cargo de su tía abuela Esme Lennox, quien será puesta en libertad tras sesenta y un años de internamiento. El desconcierto inicial de la joven, que desconocía la existencia de la anciana, se verá pronto superado por una genuina curiosidad. ¿Qué circunstancia llevó a la reclusión de Esme cuando sólo tenía dieciséis años? ¿Por qué se ocultó su historia ante el resto de la familia durante décadas?

Próximamente, nos andeis da biblioteca...

Capitanes intrépidos, un clásico do cine de aventuras.

La clase, unha película tan fermosa como necesaria. Baseada no libro que tés a túa disposición na biblioteca.

El jardín secreto, preciosa película, excelente banda sonora. Clicando aquí poderás acceder a unhas actividades sobre ela.

El mundo de Sofía, baseada no libro de Jostein Gaarden do mesmo título que tamén atoparás na biblioteca.

El curioso caso de Benjamín Button, unha historia sobre a vida, a morte e o amor.

Hace mucho que te quiero, o director desta magnífica película, Philippe Claudel, é tamén un dos escritores máis demandados na nosa biblioteca.

El secreto de Esma, película gañadora do Oso de Ouro do Festival de Berlín 2006.

Slumdog Millionaire, a gran triunfadora nos últimos Oscars. Nada máis nin nada menos que 8!

Máis cine na Nosa Carteleira

Abrimos as portas

Benvid@s á biblioteca!

Miles de libros, centos de películas, decenas de gravacións musicais e moitas revistas están á espera. Pero xa queda menos: mañá tamén a biblioteca comeza o curso.

E mentres, podedes ir botando unha ollada ao tríptico que nos conta como funciona isto.

Vémonos!

Baila, baila, Zarité

La isla bajo el mar, o novo libro de Isabel Allende, agarda por ti na biblioteca.

"Baila, baila, Zarité, porque esclavo que baila es libre...mientras baila"

Da lectura

Cando leas, le intensamente. Máis incluso: intenta ler con maior intensidade da que o propio autor puxo na súa obra. Le con entrega, paixón e atención, implacablemente. Se cadra, o autor utiliza demasiadas palabras, mais ti le só as xustas. Se parco en palabras cando leas. Concéntrate en cada verba, unha tras outra, para diante e para atrás, escoitando atentamente o libro, seguindo as pegadas que te conducen á súa parte máis profunda. Préstalles atención aos sinais secretos que o propio autor non percibiu e deixou escapar conforme avanzaba na inmensidade da súa obra. Non leas xamais con desprezo, coma quen non quere a cousa, coma aquel a quen convidan a un banquete de deuses e coa punta do garfo petisca na comida sen entusiasmo. Le con elegancia e sobriedade. Le coma se estiveses no patíbulo e o libro que tes nas túas mans fose o último que che levou á túa cela o carcereiro. Le coma se fose unha cuestión de vida ou morte, porque a lectura é o mellor regalo do ser humano. Ten en conta que de todos os seres vivos, o ser humano é o único que le.

Texto: Sándor Márai (Herbario)

Imaxe: Pablo Picasso (A lectura)

Pechado por vacacións!

A biblioteca deséxavos unhas moi boas vacacións e unhas mellores lecturas.

Vémonos en setembro!

Imos a Corfú e cazamos uns cantos bechos?

A compañía non pode ser máis apropiada: Gerald Durrell e a súa familia (Mi familia y otros animales, Bichos y demás parientes, El jardín de los dioses). Con eles poderemos non só gozar da maravillosa illa grega de Corfú, senón tamén dedicarnos á caza de todo tipo de animaliños, mentres botamos unhas risas.

E se quedamos con ganas de viaxar máis poderemos acompañar a Gerald ao Zoo de Jersey (Atràpame ese mono), á Guayana Británica ( Tres billetes hacia la aventura), á Illa Mauricio (Murciélagos dorados y palomas rosas), á Pampa arxentina e á costa occidental africana (Encuentros con animales) ou, incluso, buscándolle un noivo para súa nai (Un novio para mamá y otros relatos).

BubbleShare: Share photos - Easy Photo Sharing

Georgia Nicolson

Georgia Nicolson é unha moza de quince anos, extrovertida e moi namoradiza, pero iso si: tamén é moi divertida. Queres coñecela?

Pois na biblioteca fixemonos cos seus diarios, así que si queres botar unhas risas, non tes máis que vir por eles e saberás da tola e atrevida vida da súa protagonista e mais as súas amigas.

Preparádevos porque en xullo se estrea a película baseada no primeiro diario. Clicade aquí e veredes o trailer.

BubbleShare: Share photos - Easy Photo Sharing

Para todos os gustos

Coñecendo outras realidades Os clásicos nunca pasan de moda Curiosidade científica Na variedade está o gusto Tras os pasos do misterio Sen perder de vista á escola Non á guerra! Reais ou imaxinarios, pero sen dúbida: fantásticos 1,2,3,4,... Non hai temas tabú O máis lido na nosa biblioteca

Cales elexirías ti para ler nas vacacións?

Ler nas vacacións

O crecente número de préstamos na nosa biblioteca fai plantexarnos unha nova iniciativa para estas vacacións: o préstamo de libros para levar durante os meses de verán.

Así que xa podedes ir botando unha ollada á exposición temática que temos instalada dentro da biblioteca ou curiosear polos andeis para ir escollendo as vosas lecturas.


Máis de 11.000 libros agardan por vós...

La sombra de Alejandro

Morgan es un doctor en arqueología clásica, especialista en Grecia, que se dedica a resolver expedientes arqueológicos no resueltos.

Tras la muerte de su hermano en una excavación submarina en Grecia se retira a trabajar en los sótanos del Louvre. Pero esta situación cambia cuando recibe la orden de dirigir el inventario de un antiguo doctor que sabía de la existencia de una parte de la armadura de Aquiles.

Morgan recibe una llamada de un mecenas muy adinerado que le propone encontrar dicha armadura a cambio de ver a su hermano al que todos daban por muerto.

Tras esto el protagonista se lanza a la aventura por todo el mundo en busca de la armadura con la compañía de Hans, su ayudante en el Louvre, y de Kathia, egipcia que se convierte en la novia de Morgan.

Los tres se embarcan en una serie de misterios y peligros hasta que, al fin, dan con la armadura y Morgan consigue encontrarse con su hermano.

El libro me pareció muy interesante porque nos muestra la vida de los arqueólogos, una vida llena de viajes y peligros. La novela está constituida por una mezcla de acción e historia. Yo la recomiendo a cualquiera que le gusten estos temas.

Este artigo está escrito por Brais Vázquez, alumno de 1º de Bacharelato de Humanidades.

Enderezo descoñecido

Enderezo descoñecido publicouse por primeira vez e con grande éxito no ano 1938, malia que en 1939 desaparaceu das librerias europeas para ser inscrita na lista dos libros prohibidos do Tercer Reich. Non foi ata 1995, co gallo da conmemoración da liberación dos campos de concetración nazis, no que volveu a editarse sendo traducida a varios idiomas.

Paradero desconocido escrita por Kressmann Taylor, conta a historia de dous amigos e socios no mercado das obras de arte: Martin Schulse, un alemán, e Max Eisenstein, un xudeu estadounidense, que viven en California. No ano 1932 Martin decide volver a Alemania coa súa familia. Desde ese momento xorde un intercambio de cartas nas que se vislumbra a sombra da situación politíca de Alemania.

A obra, breve e intensa, representa un dos máis estarrecedores alegatos contra o nazismo, cuxo rostro perverso se nos fai patente ao longo da correspondencia entre os dous personaxes. Dela díxose: é a denuncia máis efectiva que se pode facer contra o nazismo en literatura de ficción.

A nosa biblioteca na Feira do libro de Madrid

Un ano máis a Biblioteca enviou unha correspondente para cubrir un dos eventos máis salientables no mundo libreiro:
A feira do libro de Madrid.

Madrid. 7 de xuño de 2009. Paseo de coches del Retiro.

Non vaiades pensar que vos imos falar dunha competición automobilística! Desde o ano 70 a feira do libro vénse celebrando nesta zona do parque do Retiro, abandonado o Paseo de Recoletos que a viu nacer en 1933.

Malia o mal tempo desta fin de semana o paseo está ateigado de xente que busca entre tanta oferta ese libro desexado, ese agasallo perfecto, ese autor admirado para que lle dedique a obra. Tiñades que ver as colas que había para Ibáñez e para o noso Manuel Rivas. Imposible facerme cunha das súas dedicatorias para os nosos andeis.

Un dato que nos chamou a atención: a organización prohibiu a participación de editores e empresarios que se dediquen á comercialización de calquera produto relacionado co libro electrónico. Apoiamos esa decisión. Como lles dicía Anxo Fariña ás nosas Mariñas Lectoras: a un libro nunca se lle acaba a batería.

A feira remata o vindeiro domingo. Se por algún motivo vos tedes que desprazar a Madrid, xa sabedes. Mentres, pedídenos os títulos que desexedes ler, de seguro que na biblioteca tamén os temos. E de non ser así, cubre a folliña de suxestión de compras e miraremos de mercalo.

Crónica enviada pola profesora de Lingua e Literatura Galega, Iolanda Sánchez Méndez.

O PDC4 cóntanos...

O día 2 de xuño fomos de excursión a Santiago todo o PD4 e os clubes de lectura "As Mariñas lectoras" deste instituto e "Salicornia" de Miño.

Os de PD4 comezamos a nosa excursión facendo unha visitiña ao Museo do Pobo Galego, que foi o que máis nos gustou en xeral a todos. Os nenos subiron polas escaleiras máis famosas do Museo ás carreiras e logo non podían co seu propio corpo.

Cando saímos de alí fomos ao Museo de Arte Moderno no cal había cousas que non entendiamos moi ben onde tiñan a arte e non nos gustou demasiado.

Máis tarde cruzamos todo Santiago para ir ver o Museo de Historia Natural onde había animais e minerais moi bonitos e curiosos. De camiño a este museo, encontrámonos coas irmáns máis famosas desta cidade, "As Marías", e aproveitamos para facernos unhas fotos con elas, aínda que luciamos máis nós ca elas, a verdade.

Logo fomos comer e tivemos o resto da tarde libre para facer un xogo de buscar pistas polas rúas da cidade ata que chegamos ao parking do bus onde, mentres esparabamos, tivemos que intentar explicarlle a un francés onde se pagaba, cousa que nos costou un pouco.

Para rematar, collimos o bus e marchamos para a casa. Pasámolo moi ben!

Artigo feito polo alumnado do PDC4

No blogue do club lectura hai unha crónica de Sonia e Alba que fala da excursión de As Mariñas Lectoras

El hombre que plantaba árboles

Para celebrar o Día Mundial do Medio Ambiente escollimos un relato de Jean Giono que narra a historia dun home que durante moitos anos se dedicou a plantar árbores e convertiu un erial desolado nunha terra chea de vida e verdor.

El hombre que plantaba árboles tamén na biblioteca

3.107

Isto do fin de curso volvenos tolas! Á biblioteca tamén, non pensedes... E é que, coma vós, ten que dar contas do feito durante o curso.

Pero dentro da tolemia, ela está máis que contenta xa que a pesar de ter que traballar arreo, os resultados obtidos non deixan lugar a dúbidas: no IES As Mariñas si que se le!

E se non o credes mirade o gráfico que recolle os datos dos préstamos ata o 2 de xuño.

E se aínda queredes saber máis da súa evolución comparádeo cos datos doutros anos.

O poder da lectura

Un día, a raíña Isabel II de Inglaterra atópase cunha biblioteca ambulante: unha camioneta grande como un camión de mudanzas aparcada xunto á cociña do seu palacio. Non era un lugar, a cociña ou a biblioteca, que ela visitase a miúdo; unha vez dentro do vehículo e como quen non quere a cousa, animouse a coller un libro en préstamo.

Aquel libro trouxo outros e as cousas xa non serían igual, nin para ela, nin para a súa familia, nin para o seu séquito, nin para o seu país. A Raíña descubrira a vertixe da lectura.

E é que os libros poden cambiar moitas cousas...



Atoparás Una lectora nada común xunto con outras novidades da nosa biblioteca