Unha volta aos clásicos

O pasado martes, como en anos anteriores, o alumnado de Humanidades de 1º e 2º de Bacharelato acudiron ao Festival de Teatro Grecolatino que, dende hai trece anos, se vén celebrando no Auditorio Gustavo Freire de Lugo e está organizado pola Delegación Galega da Sociedade de Estudos Clásicos. 

Esta vez acompañounos tamén o alumnado de PD4.

O grupo coruñés  "Noite Bohemia" do IES de Zalaeta sorprendeunos gratamente coa posta en escena  da traxedia grega Ifigenia en Áulide de Eurípides.

E, pola tarde, rímonos a cachón cos personaxes e as moi divertidas situacións da comedia Cásina de Plauto.

Coma sempre, os clásicos demostráronnos que, os sentimentos humanos seguen a ser os mesmos por moitos séculos que pasen.

Cita coas estrelas

 

Ademais do Antroido e San Valentín, en febreiro tiñamos dúas citas importantes co séptimo arte, os Premios Goya en España e os Óscars en Estados Unidos.

Como o  cine ocupa un lugar importante na nosa biblioteca, non quixemos deixar pasar a oportunidade de rendirlle a nosa humilde homenaxe expoñendo fora libros que fan referencia ao cine, películas premiadas en anos anteriores e as premiadas

neste ano 2013.

É tanto o éxito que xa case non quedan películas na exposición!

• Blancanieves  (Mellor película)
• Lo imposible  ( Mellor dirección)
• Grupo 7  (Mellor actor revelación)
• Hijos de las nubes (Mellor película documental)
• Intocable  ( Mellor película europea)
• Las aventuras de Tadeo Jones (Mellor película de animación)
• Aquél no era yo (Mellor cortometraxe de ficción)

Parellas na biblioteca

Chegou  febreiro e , case da man, apareceron o Antroido e San Valentín.

Este ano deixamos de lado os clásicos poemas de amor e organizamos un concurso. 

Había que formar parellas, todas elas famosas, unhas máis coñecidas ca outras. Tiñamos pintores, músicos, actores, científicos, escritores, personaxes da mitoloxía e ata dúas parellas de alumnos. Pero tanto os nomes como a información estaban todos revoltos e precisabamos poñer orde. Os valentes participantes puxeron todo o seu empeño e paciencia en facer as unións e contestar as preguntas sobre os protagonistas. Non era fácil.

As finalistas foron Alba Botana, Alba Blanco e Rocío Espiñeira, todas de 2º de ESO. E a sorte decantouse a favor de Rocío, que ten de premio dúas entradas de cine con chuches e palomitas.

NORABOA!!!!!

E grazas a todos por participar!

San Valentín 2013

Os alumos de PDC 4º estiveron estes días escribindo cartas de amor. Aquí vos deixamos unha delas:

Querida Lúa:

Escríboche estas letras neste día tan especial porque dende que nos coñecimos aquel día, un 29 de febreiro, namoreime de ti. Tes uns ollos azuis preciosos e un cabelo louro e ondulado que me gustou moito dende o primeiro día.

Gustaríame que quedásemos un día para ir ao cine, por exemplo, ou dar unha volta pola Coruña.

O motivo de que non che regale nada neste día é porque non me chegan os cartos, xa que estamos en crise e non hai traballo.

Encántame o teu sorriso e, cando leas isto, vaiche saír.

Teño que recoñecer que cada vez que se nos cruzan as miradas póñome nervioso e, cando te acercas, o corazón vaime a mil por hora.

Nunca sentira algo tan especial por unha rapaza ata que chegaches ti.

Como xa sabes, non me gusta moito bailar, pero aquel sábado na Iris, cando estivemos bailando agarrados, foi moi especial, foi como se se parase o tempo, como se tivésemos a pista para nós sos.

Non sei como o consegues, pero sempre que quedamos, consegues sacarme un sorriso e fas que me olvide de todo.

Con estas palabras saídas do meu corazón, agardo por unha resposta que presinto que non me vai tardar en chegar.

Quérete moito.

Sol

Na biblioteca un agasallo para ti

O Nadal do 2010 foi a primeira vez e tivo moito éxito, tanto que ao seguinte ano decidimos repetir. E como non podía ser doutro xeito tamén estes días de Nadal de 2011 enchemos a entrada da biblioteca con agasallos de lectura para  alumnos, profes e familias.

Adrián preparado para repartir lecturas

191 regalos!

Boas Festas!

Boas lecturas!

Lecturas de Nadal

Aquí tedes unha pequena guía de lecturas para estas festas. Botádelle unha ollada e elexide aqueles libros que vos gustaría ter como agasallo ou que queredes que se merquen para a biblioteca. 

Open publication - Free publishing - More book

As Mariñas solidarias

Por iniciativa do alumnado de 2º curso do ciclo de Administración e Finanzas fíxose no Instituto unha recollida de alimentos e xoguetes con destino á Cruz Vermella de Betanzos.

En total recolléronse 256 kilos de produtos non perecedeiros. 

Todo un éxito de colaboración e solidariedade da comunidade educativa do Centro!

"A caridade é humillante porque se exerce verticalmente e desde arriba; a solidariedade é horizontal e implica respecto mutuo."

Eduardo Galeano

Iván e Sergio van ao cine

-Sabedes quen foron  os gañadores do concurso Cine e Literatura?

-Pois... Iván e Sergio.

- E que tiñan de premio?

- Dúas entradas para o cine con dereito a palomitas, bebidas e golosinas.

- Para que película?

- Poden elixir a que queiran. Teñen todo o curso para decidir a película que máis lles apeteza.

Disfrutade do premio!

Concurso cine e literatura

Exposición libros e películas

Bases: 

Poderá participar todo o alumnado do centro, ben de forma individual ou por parellas.

O prazo do concurso será desde o día 19 de novembro ata o día 30.

No momento da inscrición, recollerase unha ficha onde irán escribindo as respostas das preguntas.

As preguntas, unha cada día, iranse poñendo no taboleiro exterior da biblioteca.

O día 30 será o prazo final para a entrega da ficha de respostas.

Haberá un premio para a ficha que teña todas as respostas correctas. En caso de haber varias farase un sorteo.  

A xogar!

Hai tempo para todo, tamén para os xogos. Por iso a biblioteca pon á vosa disposición desta volta:

Este é o primeiro dunha serie de xogos educativos de mesa dos que a biblioteca disporá para que os poidades disfrutar en familia ou cos amigos aquí no instituto nas horas de recreo.

A duración do préstamo será de 15 días e queremos facear fincapé en que antes de devolvelos deberán estar en perfecto estado para que todos poidamos disfrutar deles.

Coidádeos. Son de todos!!!

Concurso de cabazas

Ánimo, participa e non deixes pasar a ocasión!

Biblioteca escolar, acelerador de innovación

As bibliotecas escolares galegas viviron importantes transformacións nos últimos anos, grazas ao esforzo conxunto de comunidades educativas e administración, nunha tarefa que ten como finalidade ofrecer máis e mellores instrumentos ao alumnado para a súa formación académica e persoal. Estas transformacións non foron só físicas (moito profesorado afirma que a biblioteca é o espazo máis fermoso do seu centro); o cambio máis importante é o que se produce no centro educativo cando a biblioteca se activa, porque arredor das súas propostas e dos seus recursos, da actividade que xenera e os apoios que presta, botan a andar (ou cobran forza, asentándose) dinámicas de traballo diferente, prácticas pedagóxicas máis activas, propostas máis colaborativas, proxectos ilusionantes que axudan a construír coñecemento e a construír comunidade tamén. As bibliotecas, ao renovarse e activarse, confírmanse como aceleradores de innovación, de innovación educativa.

Asesoría de Bibliotecas escolares de Galicia

Lecturas e películas para o mes de outubro

Na entrada da biblioteca podedes atopar unha selección de libros e películas centradas en  temas dos días especiais deste mes de outubro. 

Títulos como Sang Woo y su abuela, Enrugas, Memorias dun raposo, De camino a la escuela, La milla verde, Deep Blue, Ser y tener, O vello e o mar, Diarios de la calle, Animales al límite e moitos máis, sensibilizarannos nas persoas de idade, os animais, os alimentos, ou a loita contra a violencia, a pena de morte e a pobreza. 

De novo, abrimos as portas

Este curso e, grazas á colaboración de Nuria, alumna do Bacharelato Artístico do IES Adormideras, a entrada da nosa biblioteca está cambiada. Que as súas formas e as súas cores vos animen a entrar e disfrutar do que hai disposto para todos.

Vémonos en setembro

A biblioteca deséxavos unhas boas vacacións non sen antes facervos partícipes do nivel de préstamos conseguido este curso que demostra, unha vez máis, que somos uns grandes lectores.

Gozade dos libros elixidos para este verán e sobre todo,pasalo o mellor posible para vir coas pilas postas para o próximo curso.

                         

Propostas para o verán

A piques de rematar o curso o alumnado de 2º da ESO non quere despedirse sen facer unhas recomendacións de lectura.

O diario vermello de Carlota de Gemma Lienas

Recomendamos este libro porque é moi interesante e axuda a saber a sexualidade de cada un. Carlota, a medida que pasa o tempo, averigua máis sobre este curioso tema. Fáiselle unha experiencia divertida. Usa os seus propios coñecementos e experiencias para completar o diario. Tamén se informa a través de diferentes medios, para acabar construíndo un manual.

Adrián e Sonia.

O diario violeta de Carlota de Gemma Lienas

Recomendo que este libro se lea que vos vai gustar. É un libro no que conta Carlota sa historias do machismo e a violencia de xénero, que os homes poden pegar as mulleres. A min este libro gustoume moito. É un libro con medo e misterio. Se o home pega a muller, a muller chama a policía e o home vai para o cárcere.

Alba García Castrillón 

Memorias dun neno labrego de Xosé Neira Vilas

Recomendámolo porque é moi interesante. Narra as historias dun neno labrego, moi pobre. Cada capítulo conta unha historia do rapaz dende o seu punto de vista. El narra as súas propias fazañas nun diario que, máis tarde, sería publicado por un amigo seu. Ten un final moi inesperado.

Dani Blanco, Mario, Sara, Dani Costa, Alfredo, Fran, Eva, Santi, Cris, Ana, Marta Valiño, Laura, Óscar

Sobrevivir entre libros

Na Nova Colón, unha das librarías que visitou o club de lectura na súa excursión á Coruña, unha muller le durante 36 horas seguidas no escaparate:

Xogando coas palabras

O derradeiro venres Mª Inés Cuadrado fíxonos pasar unha hora moi entretida ensinándonos a recitar poesías. Participou neste taller o alumnado dos clubes de lectura de 2º e 3º da ESO. Os rapaces aprenderon a poñerse diante dun auditorio e "dar vida" á poesía.
Unha vez superada a vergoña e esas risas nerviosas que provoca o medo escénico, Adrián, Paula e Aroa leron os poemas que eles mesmos elexiron: "Como tú" de León Felipe, "Hagamos un trato" de Mario Benedetti e "Muerte en el olvido" de Ángel González.

Letras galegas 2012

Home comprometido e polifacético das nosas letras que destacou con só en poesía e ensaio, senón tamén no xornalismo e no mundo da avogacía.

Emprendedor no mundo da industria e da economía galega e traballador infatigable ata a fin da súa vida. 

Valentín Paz Andrade

Valentín Paz Andrade

Coma cursos anteriores os equipos de  Dinamización Lingüística do IES de Catabois e As Mariñas xuntáronse para facer esta guía e achegarmos a Valentín Paz Andrade, o conmemorado este ano no Día das Letras Galegas.

Emilia, profe de Historia, fixo este encrucillado para que probes os teus coñecementos de Italia. Serás quen de facelo?

E