Concurso cine e literatura

Exposición libros e películas

Bases: 

Poderá participar todo o alumnado do centro, ben de forma individual ou por parellas.

O prazo do concurso será desde o día 19 de novembro ata o día 30.

No momento da inscrición, recollerase unha ficha onde irán escribindo as respostas das preguntas.

As preguntas, unha cada día, iranse poñendo no taboleiro exterior da biblioteca.

O día 30 será o prazo final para a entrega da ficha de respostas.

Haberá un premio para a ficha que teña todas as respostas correctas. En caso de haber varias farase un sorteo.  

Lecturas e películas para o mes de outubro

Na entrada da biblioteca podedes atopar unha selección de libros e películas centradas en  temas dos días especiais deste mes de outubro. 

Títulos como Sang Woo y su abuela, Enrugas, Memorias dun raposo, De camino a la escuela, La milla verde, Deep Blue, Ser y tener, O vello e o mar, Diarios de la calle, Animales al límite e moitos máis, sensibilizarannos nas persoas de idade, os animais, os alimentos, ou a loita contra a violencia, a pena de morte e a pobreza. 

Moito para escoller

Lembrade que hoxe é o Día do Libro. Que mellor xeito de celebralo que collendo en  préstamo un dos que hai expostos na entrada da biblio:  

 

Óscars na biblioteca

Nestes días e coindindo coa entrega dos premios cinematográficos, a exposición da biblioteca vai de cine.

Pero de cine do bo, de aquelas películas que no seu momento recibiron un ou máis Óscars nas categorías de mellor dirección, película, actor, actriz, vestiario, banda sonora, guión... E non podían faltar, por suposto, os libros sobre cine e aqueles nos que se basearon algunhas das pelis.

Tedes un montón para elixir.

Deixádevos acompañar polo cine.

En febreiro...

Os alumnos de electricidade, axudados polos seus profes, sustituiron as lámpadas vellas da biblioteca por unhas novas que se compraron co diñeiro recibido para mobiliario. Unha vez terminado o seu traballo, foron outros profes os que entraron a pintar o teito. Podedes ver o resultado nas imaxes. Grazas a todos pola labor realizada, e moi en especial para os alumnos que desinteresadamente interviñeron nesta mellora.
E chegou San Valentín co seu saco de poemas de amor... e un grupo de alumnas de 2º da ESO fixeron de carteiras repartindo as postais aos seus destinatarios.

E non podía faltar unha exposición de libros e películas de amor.

O Entroido trouxo novas cores ao instituto. Todo o centro participou activamente na celebración, incluso as CDUs sairon da biblioteca para darse a coñecer mellor. A fin de festa marcouna unha degustación de doces típicos e un desfile de disfraces no salón de actos.

Historia

Curiosidades, anécdotas, imaxes, guerras, acontecementos, novela histórica, biografías, banda deseñada, cine...

As frechas de Cupido nas Mariñas

O amor, ese sentimento tan nobre, que tanto nos alegra como nos fai sufrir, xa está visible no IES As Mariñas:

nos LIBROS

no CINEMA

ou

na MÚSICA

As follas do calendario marcan unha data e o amor débenos acompañar sempre, tamén o 14 de febreiro.

La France visite notre bibliothèque

Bienvenus à tous dans le merveilleux monde du français et de la francophonie!!!

Dècouvrez leurs paysages, leurs recettes, et tous leurs secrets...

De faraóns e momias

Grazas a Patricia, e a súa nai, a Rocío, Verónica, Borja, Andrea e Cristina por facer máis vistosa a exposición de libros sobre Exipto:

Goza da maxia do Samaín coa mellor literatura

Cando empezaba a anoitecer, unha miaxiña inantes de pechar a casa, chegaron dous homes pola calzada. Paráronse diante da porta de chamaron petando coas cachavas na folla aberta. Traguían co iles un burro, i enriba dil un cadaleito ou caixa de morto, atado com cordas.

Á lus do candil. Ánxel Fole

Se abrió camino entre el ramaje hasta que se encontró frente a un alto muro de piedra. Hasta hacía poco, el muro había estado oculto en su mayor parte por altas zarzas y maleza espesa que le impedían acercarse lo suficiente como para ver qué había al otro lado. Por un momento, la curiosidad le hizo olvidarse del hambre y se preguntó qué habría detrás del muro.

Todo quedó en silencio y otros relatos. Nick Shadow

O cadáver, xa moi putrefacto e cheo de vísceras coaguladas, mantívose ergueito ante os ollos dos espectadores. Sobre a cabeza, cunha enorme boca vermella e un solitario ollo de fogo, estaba a horrible besta que astutamente me seducira ó asasinato, e que, coa súa voz delatora, me enviara ó verdugo. ¡Emparedara ó monstruo dentro da tomba!

O gato negro. Edgar Allan Poe

Plan, eu si que leo

Sexas como sexas, temos unha tarifa plana para ti. Pasa pola biblioteca e leva 10 libros durante todo o verán, sen recarga nin custos adicionais. Oferta válida ata o 23 de xuño o fin de existencias.

E... nestas chegou Cupido

A mesa está servida

Cociñeiro, mesa e mantel, bandexas, menú, decoración de Nadal e... o mellor de todo: películas e libros listos para meterlle o dente. Vaste resistir?

Grazas as alumnas do Ciclo Medio de Xestión Administrativa pola súa colaboración.

Tras os pasos d@ asasin@

Pero que está a pasar...?

Tres soles

Grazas a Estela, Rocío e Sonia, alumnas deste centro, que dedicaron a tarde do xoves a montar a exposición dos libros de Astronomía.

Por facelo tan ben: quedades contratadas!

Para todos os gustos

Coñecendo outras realidades Os clásicos nunca pasan de moda Curiosidade científica Na variedade está o gusto Tras os pasos do misterio Sen perder de vista á escola Non á guerra! Reais ou imaxinarios, pero sen dúbida: fantásticos 1,2,3,4,... Non hai temas tabú O máis lido na nosa biblioteca

Cales elexirías ti para ler nas vacacións?

Ramón Piñeiro nas nosas "mesas camilla"

Nin a Xose Luis Franco Grande, nin a Carlos Casares, nin a Henrique Monteagudo, nin a Rosario Álvarez, nin a Manolo Rivas..., estes días temos o mesmísimo don Ramón Piñeiro ao redor da nosa mesa braseiro. Faltábannos as galletas da súa dona, Isabel, pero temos uns petiscos que son a tentación de máis de un.

Na mesa da biblioteca atoparedes os libros do autor. Na da entrada do instituto están expostos tamén os libros dos contertulios da rúa Xelmírez.

Se queres pasar e compartir sobremesa connosco, xa sabes onde estamos.

E tirando do fío...

Coñecimos Sonrisas de Bombay, el viaje que cambió mi destino coa exposición E ti que les? que no mes de outubro nos cedeu o IES de Sabón. Un libro que viña recomendado polo periodista Juan Fernán.

…El libro de Jaume Sanllorente "El viaje que cambió mi destinto" sería mi opción, ¿Por qué?, por ser un relato personal basado en una realidad existente que vemos muy lejos y sin embargo tenemos muy cerca. Por mi admiración hacia Jaume, periodista catalán que abandonó todo su mundo en pro de los más desfavorecidos, de los más pobres de la tierra… a cambio de nada…
El amor de Jaume hacia estos seres humanos es absolutamente incondicional… y esa es la auténtica esencia del bien.

E o libro chegou á biblioteca, e foi recomendado neste mesmo blogue cando se falou da India, e entre as súas páxinas deixounos descubrir ao fotógrafo Olivier Follmi.

También me puse en contacto con el estudio parisino del fotógrafo Olivier Follmi, una verdadera “institución” que desde hace años inmortaliza con su cámara bellas imágenes de la India, Nepal y el Tíbet y que incluso ha creado su propia fundación para ayudar a los más necesitados. Él mismo me respondió enviándome una bonita carta en que me decía que era un placer que sus imágenes se utilizaran para esta causa.

Se queredes compartir connosco as fotografías de Olivier Follmi, o fotógrafo da Humanidade, clicade na imaxe.

A muller innovadora na ciencia

A mostra, desde hoxe no noso centro, consta de 20 paneis coa vida e obra doutras tantas mulleres de distintas épocas que desenvolveron o seu traballo principalmente no campo das matemáticas.

Con ela quérese demostrar que non é verdade que non existisen mulleres dedicadas á ciencia senón que ficaron ocultas. Por iso, preténdese reescribir a historia cun ollar novo para rescatalas do esquecemento e ver que a contribución feminina no ámbito científico-tecnolóxico foi importante.

Na biblioteca tés a túa disposición unha guía para facilitar o seu percorrido.


Para sacar á luz a ocultación da que foron obxecto as mulleres matemáticas

Para poñer de relevo os logros científicos no seu contexto histórico

Para estimular vocacións entre as rapazas

Porque a coeducación é labor de todas e todos