Algunhas das novidades de novembro

Clicando nas imaxes, teredes máis información dos libros.

Paula e o lobishome

O martes 10, tivemos o pracer de disfrutar da presenza de Paula Carballeira, muller polifacética dentro do panorama cultural galego.

Nesta ocasión e, aproveitando que o alumnado de 4º ESO leu o seu libro O lobishome de Candeán, ven contarnos contos e falar da obra e tamén das súas experiencias personais. Na charla participaron activamente @s alumn@s.

Grazas Paula, por esa xornada entrañable.

Ne obliviscaris

Como te sentirías se, de súpeto, ninguén te recoñecera? Se os teus amigos, os teus profesores e a túa familia no se lembraran de ti?

E que pasaría se todos os rumores se convertiran en realidade? Se deixáramos de utilizar as palabras por medo ás consecuencias?

A este misterio téñense que enfrentar cinco estudantes internos nun colexio da illa de Bran, situada no mar do Norte.

Ne obliviscaris "non esquezas" vai ser o lema que utilicen para loitar contra as forzas da Lúa chea que provoca co seu resplandor esas transformacións.

Xuntos descubrirán que, a pesar das súas diferencias de carácter, a pesar das particularidades de cada un, a amizade lles dará o valor suficente para loitar contra o olvido.