viernes, 24 de junio de 2011

3.562

Chegamos ao final do curso e, coma outros anos, gústanos facer números:


Neste gráfico pódense comprobar ao detalle os préstamos de libros, DVDs, CDs e outro material desde o comezo do curso ata o 31 de maio de 2011. En conxunto chegaron a 3.132.



É salientable que o empréstito de libros ( 69,35%) é máis do dobre que o resto dos materiais (30,65%).


Como se pode visualizar no gráfico da dereita, o número total de préstamos estabilízase nos tres últimos cursos. Con todo, hai que considerar que se falamos só de libros, o seu préstamo aumenta cos anos, en detrimento das películas; o que nos fai concluír que os DVDs, entre outras utilidades, foron nun principio un aliciente para acercar o alumnado á biblioteca e descubrir "o mundo de oportunidades" que ela ofrece.

Con respecto á música, posiblemente pola facilidade que teñen para chegar a ela, temos un número escaso de préstamos.



Tamén se pode ver claramente que o número de préstamos foi claramente en aumento ata estabilizarse nos tres últimos anos. A subida máis importante con respecto ao ano anterior obsérvase no curso 06/07, que coincide coa nosa entrada no Plamble, que supuxo unha incorporación importante de fondos, un cambio físico na biblioteca e unha dinamización notable da mesma.



Se aos datos anteriores engadimos os préstamos rexistrados neste último mes de xuño (430), chegariamos aos 3.562

3 comentarios:

Biblioteca do IES Pintor Colmeiro dijo...

Parabéns por estes resultados. Deixámosvos un pequeno agasallo en Silleda.
Saúdos e Boas vacacións!

Unha lagoa de libros dijo...

En Ourense temos un agasallo para vós.
Feliz verán!

Arquivos do trasno dijo...

Tedes un agasallo no noso blog. Noraboa polo voso traballo.

Related Posts with Thumbnails